Ekipa Konjunta Kaptura Membru Arte Marsiál PSHT Nain 37

Fahe Tutan

Naunil Media (Díli), Porta voz Polísia Nasional Timor-Leste (PNTL), Superindente Xefe Arnaldo Araújo, informa ekipa konjunta  kaptura membru arte marsias  husi PSHT (Persaudaraan Setia Hati Terate) hamutuk nain 37 inkliui mós ho artributu treinu nian iha Fronteira Batugade, postu administrativu Balibo, munisipiu Bobonaro.

“Ekipa konjunta kompostu husi Unidade Patroliamentu Fronteira (UPF), FALINTIL Fórsa Defeza Timor-Leste (F-FDTL) no Kommandu Operasaun Espsial (COE-Sigla Português) sira servisu hamutuk hodi kontrola ba Fronteira Terestre Timor-Leste nian  nomós ba sidadaun ne’ebé mak tama illegal mai ita nia fronteira, ekipa konjunta ne’e konsege kaptura membru arte marsiais PSHT hamutuk nain 37 ne’ebé mak ba sa’e sabuk iha nasaun vizinu  Indonézia inkliu mós  sira nia artributu”, informa Port voz PNTL, Superintedente Xefe Arnaldo Araújo, liu husi konferensia imprensa iha Quartel Jerál PNTL, Kaikoli, Kuarta (9/09).

Port voz PNTL, Superintedente Xefe Arnaldo Araújo, esplika “Ita nia ekipa konjunta kaptura sidadaun hirak ne’e  iha loron 4 to’o 7 fulan Setembru, sira tama husi  fronteira hodi ba halo ezame hasa’e sabuk iha Indonézia no sira fila mai mak ekipa konjuntu kaer sira, maibé dadaun ne’e sira nain 37 tama hela kuarentena iha Batugade, evidensia konaba prosesu entrega ona ba Munisipiu Bobonaro hodi halo prosesu investigasun ba oin”.

Port voz PNTL, Superintedente Xefe Arnaldo Araújo, dehan liña fronteira Timor nian luan no bo’ot tebes, nune’e fó espasu ba ema (sidadaun) sira tama sai illegal.  

“Ekipa konjunta kontinua esfórsu atu kontrola ita nia fronteira  no servisu operasaun mos la’o hela, hein katak konsiensia ne’e mai fali husi ema ida-idak”. tenik Port voz PNTL ne’e.  Flo

Leave a Reply

Your email address will not be published.