Motorista Bus Diresaun Lospalos-Díli Husu Subsídiu Ba Governu Iha EE
Naunil Media (Lautém), Motorista Transporte Públiku (Bus) hosi diresaun Lospalos-Díli (Ba Mai) ejije governu atu fó subisdiu mos ba sira, tamba durante periodu estadu emerjénsia la hetan osan.
“Governu tenke rezolve lalais, nune’e bele sustenta ba nesesidade ami nia família durante tempu estadu emerjénsia ne’e”, Porta Voz Motorista Transporte Públiku (Bus), Sabino ba Naunil Media iha edifisiu Solidariedade Sosiál Munisipiu Lautém, Segunda (04/05).
Porta Voz Sabino, hateten maske governu autoriza ona transporte publiku sira halo sirkulasaun hodi tula pasajerius maibe ho kriteria distansia social, kada bus tenke tula deit ema nain sanulu resin rua.
“Ba no mai, ami tenke tula deit mak pasajeiru sira nain 12, ho rajaun ida ne’e ami (kondutor no ajudante sira) ezije governu atu rezolve lalais preokupasaun ida ne’e hodi fo subsídiu, nune’e bele moris, selae ami sei mate tan hamlaha”,
Sabino tenik, “Moris kondutor sira nian depende deit ba sirkulasaun transporte publiku (Ba Mai) Díli-Lospalos, ho regras sira mai hosi governu tenke limita pasajeiru sira. Governu presija aseleira, tanba implementasaun estadu emerjénsia tama on aba daruak nian, maibe apoiu subsídiu seidauk realiza”.
Hatan ba prekupasaun ne’e, via telephone Diretór Servisu Centro Solidariedade Sosial Munisipiu Lautém, Paul da Silva Pinto, hateten munisipiu sedauk iha despaxu ida hosi diresaun hodi atende ba servisu ida ne’e no seidauk iha informasaun hosi Ministeriu Relevante. Latu
