CIGC Re-Integra Abitante Nain 41 Ba Família

Naunil Media (Díli), Segunda (04/05) ne’e, ofisialmente Sentru Integradu Jestaun Krize (CIGC-Sigla Português) re-intrega tan abitante hamutuk nain 41 mak iha kuatrentena Munisípiu Díli, tanba sira (abitante) kompleta ona konfinamentu obrigatóriu durante loron 14.

Asuntu ne’e informa hosi Diretur Gabineti Apoiu Tékniku Ministériu Saúde, Narsicio Fernandes, ba jornalista sira hafoin partisipa serimónia despeda re-integra abitante sira ba família sira iha, Otél YQ, Raikotu.

“Ohin, abitante nain 41 re-integra ba sira nian família, tanba prienxe rekezitu loron 14 iha fatin konfinamentu no balun liu loron 14. Abitante sentru kuarentena balun hatudu sintomas, tan ne’e balun to’o loron 28”, informa Narscio.

Narsicio explika, “Sira kompleta konfinamentu iha kuarentena hamutuk nain 41, nune’e ohin halo deskonfinentu. Entre sira ne’e kompostu hosi mane nain 25 no feto 16. Abitante sira ne’e mai hosi sentru kuarentena haat, Luxury nain 6, Viena nain 17, YQ 17 no Kolmera nain ida. Hosi nain 34 ne’e mai hosi Otél Lesidere”.  

Nia husu ba abitante sira re-integra ba família atu kompri nafatin regras  sira ne’ebé ekipa responsavel kuarentena fó ona hanesan fase liman bei-beik, mantein nafatin sosiál distansia. “Fatin kuarentena ne’ebé lokaliza iha Díli laran mak hanesan, Otél Novo Horizonte, Otél Kolmera, Otél Leokase, Otél Luxuri, Otél Timor no Otél Vilaverde, entre fatin kuarentena sira ne’e desloka kada   pessoal saúde hodi tau matan ba abitante sira ne’ebé iha kuarentena laran” dehan Nia. Uar