Assanami Sujere Governu Investe Osan ba Infraestrutura
Naunil Media (Díli), Deputadu bankada Partidu Demokrátiku (PD), Mariano Assanami Sabino, husu ba Governu koloka iha Orsamentu Jerál Estadu (OJE) 2021, liu-liu atu hadiak estrada, eletrisidade, enfraestrutura bázika sira.
“PD mos sei halo proposta balu ne’ebé ke tau iha orsamentu ida ne’e liu-liu oinsá mak atu remata tiha infraestrutura sira hanesan estrada, eletrisidade, infraestrutura ba saúde, ba edukasaun, uma ba médiku sira iha área rurál, uma ba professor sira hotu”, líder jerasaun konntinuadór Deputadu Assanami liu husi intervensaun polítika iha plenária Parlamentu Nasionál, Kuarta (02/12).
Tuir Nia, Governu presiza tau atensaun ba problema Infraestrutura.
“Governu tenke iha polítika aposta ba bee-moos tanba importante tebes. Elementu tolu importante hanesan rai, bee no loron-matan ne’ebé bele fó solusaun ba setór sira hotu-hotu”, hatutan Deputadu nee
Nia husu ba Governu atu dezemvolve maka’as iha seitor agrikultura. Ana
