SEKOMS Dezenvolve Asaun 3 Hodi Kombate Informasaun Falsu iha Eleisaun

Naunil Media (Díli),Governu liu husi Sekretáriu Estadu Komunikasaun sosial (SEKOMS), dezenvolve asaun tolu hodi kombate informasaun falsu iha  eleisaun jerál iha Timor-Leste.

Tuir Sekretáriu Estadu Komunikasaun Sosial (SEKOMS) Merício Juvinal Dos Reis “Akara” hateten,  Iha asaun tolu (3) mak Governu hakarak dezenvolve hanesan mantein eduksaun sivika, kampaña kona -bá literasia digital, Plataforma kona-bá Boa Notisia, no Plataforma kona-bá ID falsu ka Fake News.

“Ho objetivu husi asaun tolu ne’e oinsa atu prepara sidadaun sira iha kapasidade no koñesimentu hodi utiliza media sosial ho matenek, prepara plataforma tekniku balu iha tempu badak ita sei lansa plataforma ida kona-bá boa notisia iha Timor-Leste” Dehan Sekretáriu Estadu Merício Juvinal dos Reis  “Akara” hafoin partisipa Workshop iha saluan Centru Nasionál Chega CNC) Balide, tersa (12/04).

Nia hatutan, Entaun notisia balu ne’ebé di’ak ita orgullu, tanba notisia sira ne’e foti iha ita nia rai no imagem nasaun, nian bele hatama iha plataforma ne’e, atu ema rai liur bele akompaña katak iha Timor-Leste la’os buat aat de’it, maibé update buat di’ak mós  no plataforma seluk ita oferese se mak uza ID ka notisia falsu kontein ka lokaliza tiha iha plataforma karik ema husu  notisia falsu mak ida ne’ebé ita manda de’it Link.

Nia hateten, Edukasaun sivika no lakoi utiliza plataforma ho matenek lei no ordem sei aplika ba individu ne’ebe mak ulun toos.

“Edukasaun sivika la iha sansaun tanba eduksaun sivika ne’e eduka ema to’o tinan sanulu,  naran katak sidadaun Timor ne’e tenke iha kapasidade utiliza media ne’e ho di’ak,  no kona-bá plataforma tekníku sira ne’e lai iha sansaun,  maibé ema mak iha konsiensia hodi uza media sosial”, katak Nia.

Governantes ne’e husu ba jornalista sira atu kontribui ba informasaun ne’ebé loos no kredivel,  hodi  kombate notisia hoax tanba knaar media importante.

Iha fatin hanesan Presidente Interinu Consellu Imprensa(CI) Expedito Loro Dias Ximenes informa,  Workshop ohin ne’e servisu hamutuk ho Centru Nasionál Chega (sigla português CNC) no parseiru  sira husi indonesia liu-liu Facebook no liu husi organizasaun  sira ne’e hodi fahe informasaun kona- bá Misinformasaun no Desinformsaun.

“workshop ne’e atu bele fó hanoin ba sidadaun sira liu-liu jornalista sira iha media hotu-hotu,  no estudante sira ne’ebé iha departmentu Komunikasaun sosial atu sira mós bele hatene oinsa forma hodi kombate disinformsaun iha situasaun polítiak atual”, katak nia. Ana