Falur Komponente Naval Hanesan Komponente Exensial ba F-FDTL

Naunil Media (Díli),  Xefe Estadu Maiór Tenente General Domimgos Raul  “Falur Rate Laek” dehan, Komponente Naval hanesan komponente ne’ebé  mak esensial tebes ba Falintil Forsa Defeza Timor-Leste(F-FDTL),  sai hanesan komponente operasioanl.

“Komponente naval importante  tanba haree katak nia tamañu  ne’e bo’ot liu fali ita nia rain, tanba ne’e komponente naval atu kumpri nia misaun no tarefa sira ho di’ak,   tenke dezenvolve no kapasita liu husi investimentu ne’ebé bo’ot tebes,  entermus akizisaun ekipamentus militares hanesan Ro no hari estaleiru ida ne’ebé  moderna no iha kapasidade ba manutensaun ro sira ne’ebé mak ita planeia atu sosa husi ita nia paízes kooperantes sira” dehan Xefe Estadu Maiór Tenente General Domimgos Raul  “Falur Rate Laek” ba jornalista sira iha komponete Nava Hera, tersa (12/04).

Nia hatutan, Infelizmente ita nia manutensaun ba Ro sira ne’ebé mak iha la regular impaktu husi situasaun tinan liman  ne’ebé mak ita sofre ikus ne’e liu-liu Pandemia Covid-19 no variante sira seluk.

Fiar iha ita nia governu katak sira sei hakas an atu dezenvolve komponente Naval, tanba ne’e sira nia komprimisiu polítika no sira nia responsavel rasik ministru defeza hala’o ona akortu ho governu Austrália, atu dezenvolve ba komponente ida ne’e inkliu fornese Ro rua ne’ebé tuir planu sei to’o iha tinan  2023,  se buat hotu lao di’ak, dehan nia.

Agradese ba governu Austrália ne’ebé mak fó ona apoiu tomak ba  F-FDTL, atu dezenvolve ita nia kapasidade hodi garante atividade seguransa maritime, hanesan mós parte ida husi ita nian soberania do estadu nune’e, mós agradese ba governu Português liu husi apoia programa kuadru komponente Naval tenke iha kapasidade,  nun’e mós laos de’it koopera iha tasi laran ativiade normais tenke iha kapasidade atu atua exersisiu konjunta ho kombinadus sira, ne’ebé  halao hanesan exersisiu karak no seluk tan hanesan nasaun Austrália, Estadus Unidus America, Japaun, Nova Zelandia no Indonézia, nia hakotu. Flo