PN Husu MEJD Atensaun Ba Prosefesór Sira Nia Halerik

Naunil Média (Díli), Komisaun G iha Parlamentu Nasionál (PN) ne’ebé trata asuntu Ministeriu Edukasaun Juventude Desportu (MEJD), atu tau atensaun ba profesores sira nia halerik.

Reprezentante povu iha uma fukun PN, Deputadu António Verdiál husu ba MEJD atu tau atensaun ba manorin sira nia halerik. 

 “ Komisaun G ne’ebé trata asuntu iha area bolu nafatin atensaun ba MEJD atu rona halerik manorin nain sira nia semenalmente,” Hato’o husi Prezidente komisaun G, Deputadu António Verdiál, iha uma fukun PN, Segunda,(11/04)

Nia husu ba MEJD atu labele tau importasia de’it ba lansamentu predra no no projetu infraestrutura, Maibé rona mós profesores sira nia halerik.

“ La’os tau de’it importansia ba iha lansamentu primeira pedra ba projetu komunitáriu Infraestrutura edukativu. Maibé rona mós profesores sira nia halerik.” Tenik nia.

Tanba hare’e ba professores sira nia halerik li-liu ba iha sira nia direito, Maske sira kumpri ona sira nia dever maibé MEJD ho nia estrutura ka dirijente hotu iha Edukasaun hodi la tau importansia ba iha manorin nain sira nia direitu. 

Hau nia Rekomendasaun sira ne’ebé komisaun rekomenda no semanalmente Lou no Nai sira foti iha uma demokrasia ida ne’e, envez dehan hadia maibé to’o agora ha’u sei simu nafatin halerik husi Manoroin na’in sira.

António relata, Profesore João da Costa Amaral hanesan professor permanente ne’ebé hanorin estudantes iha areas remotas iha Eskola Bazika Filial (Taroman) iha suku Taroman, Postu Administrativu Fatululik, Munisipiu Covalima, Iha fulan Dezembru tinan 2019. To’o ohin loron seida’uk simu Saláriu.

Signifika professor ne’e tinan 3 ona la hetan salariu, maske professor permanente.

Inkuli mós professores nain-4 permanente nain-3 no kontratadu nain-1 mak tinan tolu ona seidauk simu salariu. 

Prezidente komisaun G ne’e hatutan, Dirijente MEJD tenke tau atensaun hoid rona profesores sira nia halerik, se los imi mak sira laran metin ba se.Ana