PR Vizita EBF Caiçero iha Ainaro, Kondisaun Eskola A’at
Naunil Media (Ainaro), Prezidenti Repúblika liu husi Xefí Kaza Sivil Francisco Maria de Vasconcelos, Vizita eskola Eskola Bázika Filial (EBF) Um Dois Caiçero no preokupa kondisaun eskola ne’ebé a’at ona.
Xefi Kaza Sivil ható lia hirak ne’e liu diskursu bainhira ho ekipa Prezidenti Repúblika vizita EBF Caiçero, iha aldeia Ramerlau, Suku Foho Ailiku, Postu Administrativu Hatu Udo, Munisípiu Ainaro, Tersa, (17/08).
“Prezidenti Repúblika preokupa tebes ho ita nia situasaun edukasaun iha rai laran, ha’u hanoin kuandu ita haree sasán no ita haree ho ita nia matan nia akuza ita nia kakutak wainhira akuza ita nia kakutak nia akuza ita nia fuan”, Dehan Xefí Kaza Sivil Francisco Maria de Vasconcelos.
Nia hatutan, Tuir nia Ministru, deputadu, sira ne’e mai haree tau iha sira nia kakutak no akuza duni sira nia fuan Ministru Edukasaun (ME) nia konprimisiu mós hateten katak iha tinan oin sei hadia.
“Mas temporariamente Ministru edukasaun mós hateten ai-rin sira ne’ebé aat, sei hadia para labele lori ameasa ba profesór no estudante sira, troka ai sira ne’ebé aat ona no dodok ona”, Katak nia.
Nia dehan, Edukasaun mak fator determinante atu lori rai ida ba oin, eskola maka halo ema sai sivilizadu eskola mak halo ema matenek eskola mak halo ema sai iha utilidade hanesan sidadaun ida ba iha nasaun id.a
Nia hateten husi Prezidensiá Repúblika mai haree i prezidenti Repúblika sei ko’alia ho governu, ho membru guvernu sira atu tau matan ba eskola sira hanesan ne’e.
“Ita bo’ot sira ohin rona rasik husi Ministru i Ministru garante katak 2022 sei hadia, i ha’u husu ba ita bo’ot sira administradór postu diretur eskola se 2022 seidauk iha ita bo’ot sira ba dere ME nia odamatan, la’ós atu ba kontestu protesta maibé ita fanun malu ne’e mak hanesan sidadaun iha maun alin iha rai ida ne’e nian”, Nia lamenta.
Iha fatin hanesan Koordenadór Eskola Bázika Filial Caiçero Gil Vicente mós agredese ba xefí kaza sivil, ne’ebé reprezenta Prezidente Repúblika mai haree rasik ona kondisaun eskola ne’ebé grave.
“Ohin sira mai vizita eskola ida ne’e tanba hau nia eskola kondisaun aat iha ne’e sala neen sala tolu kondisaun di’ak sala tolu ho kondisaun aat, Ha’u ható ba Prezidenti Repúblika liu husi Xefí Kaza Sivil ha’u ható de’it ha’u nia eskola nia kondisaun aat ne’e ba Nai Prezidensiá Repúblika sira”, Katak Koordenadór EBF Gil Vicente
Durante ne’e difikuldade ne’ebé mak eskola ne’e rasik hasoru mak ho kondisaun aat, maibé kona-ba livru sira ne’e sufisiente na estudante atu estuda, iha eskola ne’e husi primeiru ano tó sexto ano, Nia haktuir.
Nia dehan, Eskola EBF Caiçero ne’e presiza mak kona-bá lutu haleu eskola ne’e, kona-bá hanesan haris fatin ho saneamentu no bee mós ida ne’e mak husu no sira mós presiza para hadia eskola ne’e
Iha Eskola Bázika Filial (EBF) ne’e rasik akumula estudante hamutuk 80, mane nain 38 no feto iha nain 42, no profesór ne’ebé mak hanorin iha eskola refere hamutuk nain 7 mane na’in 5 feto na’in rua profesór voluntariu laiha no profesór reklamante mak ida Eskola Bázika Filial Caiçero ne’e harii iha tinan 2007. *Jos
