UNICEF ho WHO Kontinua Apoiu Programa FASE Liman ba Komunidade Vulnerável
Naunil Media (Díli), Reprezentante UNICEF iha Timor-Leste (TL), Valerie Taton, hateten UNICEF sei nafatin servisu hamutuk ho Organizasaun Saúde Mundíal (WHO-Sigla Ingles) ba area espesífiku sira hanesan ijene liman ba komunidade vulnerável, atu satan husi COVID-19 no moras seluk.
“Ijiene liman ne’e ba inisiativa hotu dezignadu atu mobilja parseiru hotu no seitór no konsentra ba melloramentu ijiene liman iha fasilidade hotu hanesan fatin públiku, servisu fatin, eskola no sentru saúde sira, espesialmente ba populasaun vulneravel sira, nune’e UNICEF ho WHO sei kontinua konsentra ba asuntu importante no kontinua apoia ho esforsu tomak hodi hadiak ijiene liman”, Reprezentante UNICEF, Valerie Taton, liu hosi nia diskursu iha salaun Palacio das Sinzas, Kaikoli, Kuarta (21/10).
Reprejentante UNICEF husu entidades hotu-hotu inklui komunidade sira atu uza oportunodade hotu ho di’ak hodi bele hadok aan hosi COVID-19
“Presiza uja oportunidade ne’e atu fó enfaze fali ba nesesidade ijiene liman ba iha ita nia komunidade ho Guvernu, parseru, líder komunitaria no membru komunidade no labarik sira no foin sa’e sira, ita presiza investimentu ba elementu hotu ba melloramentu ijiene liman husi dezemvolvimentu polítiku sira, investe orsamentu iha sistema formasaun ba komunidade sira iha manutensaun sistema no promove ijiene liman ba membru sosiedade iha Timor-Leste”, hatutan Nia
Tuir Nia, Globalmente ijiene liman mak sai hanesan parte defeza hodi sata netik COVID-19,nune maioria populasaun global pursentu 40 (%) mak la iha fatin hodi fase sira nia liman iha uma ho sabaun,iha nasaun sira vulnerável sira, hosi ne’e populasaun maioria besik millaun ida hetan risku lalais ba Covid-1,inklui menus fasilidade fase liman ho sabaun afeta ba labarik ho idade eskola milliaun atus sia hosi nasaun Vulnerable sira.
Partisipa iha seminariu ne’e mai hosi organizasaun saude Mundial (WHO), UNICEF inklu LOJa Nain sira Hosi Munisipiu Díli. Ina/ Emj11
