Harahun Assalam, SLB Dezafia Lalenok United iha Final Copa FFTL 2020
Naunil Media (Díli), Ekipa AD SLB Laulara hakat ba Final hafoin harahun nia ekipa adversariu Assalam Fc ho score 2-0 iha Meias Finais Copa FFTL 2020
Duelo entre Assalam Fc kontra AD SLB Laulara ne’e hala’o iha Stadion Municipal Dili kuarta (21/10).
Iha inisiu jogu parte dahuluk ekipa rua halo presaun makas ba malu liu husi kontra ataka no tama ba iha minutu 8 Mouzinho de Lima lori AD SLB Laulara lidera ho score 1-0.
Avansadu ho númeru kamizola 10 ne’e marka golu hafoin simu assistensia bola pasa husi nia kompaineru Joao Pedro.
Hela ho score 1-0 Assalam Fc sai hodi fo atake ba ekipa AD SLB Laulara no tama ba iha minutu 45+2 AD SLB Laulara aproveita hodi halo kontra ataka no sussesu fura rede Assalam Fc liu husi jogador Filipe Oliveira ho nune’e score muda aan ba 2-0.
Defeza Sentrál ho númeru kamizola 4 ne’e marka golu hafoin simu assistensia bola kruza husi Joao Pedro.
Score 2-0 mantein to’o termina jogu parte dahuluk.
Kontinua ba jogu parte daruak ekipa rua nafatin halo kontra ataka ba malu maibé la iha golu ruma akontese to’o termina jogu parte daruak vitória ba AD SLB Laulara ho score 2-0. Husi rezultadu ne’e lori ekipa AD SLB Laulara hakat ba Final no sei kontra Lalenok United.
Entertantu ekipa Assalam Fc faila ultrapasa ba Final maibé sei kontra Boavista Fc hodi hadau terseiru lugar. Dvo
