Konjuntura Polítika Atual, AMP Nakloke Ba Partidu Seluk
Naunil Media (Díli), Komisaun Juridisaun Partidu Kongresu Nasionál Rekontsrusaun (CNRT-Sigla Português), Carmelita Caetano Moniz, hateten AMP (Aliansa Mudansa ba Progresu) hotu ona hafoin Primeiru Ministru Taur Matan Ruak simu pose, maibe iha kojuntura polítika atual nian Aliansa Maioria Parlamentar nakloke ba partidu sira seluk.
“Hau nia pontu de vista Alinsa Maioria Parlametar loke ba ema hotu, tanba ida ne’e antes eleisaun ne’e, Aliansa Mudansa ba Progresu (AMP). Kuandu hafoin eleisaun, tama iha parlamentu nasionál ami iha Aliansa Maioria Parlamentar. Agora nakloke ba se deit (partidu polítiku) mak hakarak hamutuk”, hateten Komisaun Juridisaun Partidu CNRT, atual deputada iha Quinto lejislatura Carmelita Caetano Moniz, ba jornalista sira iha resintu Parlamentu Nasionál, Kinta (27/02).
Atual deputada CNRT ne’e informa akordu ida iha pre-eleitoral partidu tolu mak asina hanaran (Aliansa Maioria ba Progresu) maibe hotu ona iha loron 30 depois toma pose Primeriu Ministru Taur Matan Ruak.
“Artigu ida ne’e mak iha partidu CNRT, PLP no KHUNTO hodi akontese iha bankada ketak-ketak iha parlamentu Nasiona, tanba se artigu ida ne’e la iha, sei laiha b bankada ketak-ketak. Maibe lae, entaun oinsa?. Aliansa ida agora ami halo daudaun ne’e iha parlamentu nasional bolu naran Aliansa Maioria Parlamentar (AMP) ho konjuntura foun ne’ebe ke iha inklui UDT-FM no PUDD”, esplika Nia.
Prezidente Komisaun ‘A’ Parlamentu Nasionál, Carmelita, dehan juridikamente daudaun ne’e Aliansa Maioria Parlamentar kompostu husi CNRT, PLP, KHUNTO, Frente Mudansa/UDT no PUDD, sei metin tanba partidu ida seidauk deklara loloos sai husi AMP.
Maske dadaun ne’e iha ona partidu neén, lideradu husi partidu CNRT asina ona akta koligasaun ba forma governu da-sia, maibe juridikamente seida’uk.
Partidu neén ne’ebe foin lalais ne’e asina ona akta koligasaun mak hanesan, CNRT, PD, Khunto, PUDD, UDT no Frente Mudansa. Ana
