FEATUREDIkus LiuNewsPolitika

Reativa Eskola Sira Iha Teritóriu Laran, MEJD Tenke Komfirma MS Kona-ba Prevensaun COVID-19

Fahe Tutan

Naunil Media (Díli), Xefe bankada Frente Revolusionáriu Timorense Independente (FRETILIN), Francisco Miranda Branco husu ba Ministériu Edukasaun Juventude no Desportu (MEJD) atu halo konfirmasaun ba Ministériu Saúde (MS) kona-ba meius prevensaun COVID-19 nian molok reativa eskola sira iha teritóriu laran.

“Desizaun hosi Ministériu Edukasaun Juventude no Desportu atu reativa eskola sira.  Ha’u hanoin presiza estuda didiak no koordena ho Ministériu Saúde hodi haree inpaktu ne’ebé sei mosu mai husi segunda virus corona, tanba ita mos iha rejiaun ida ne’ebé bele sai episentru ba ameasa pandemia ida ne’e, ne’ebé desizaun hotu iha Minstériu Saúde nomós koordenasaun ho Organizasaun Mundial Saúde (OMS)”, Xefe bankada FRETILIN, Francisco Miranda Branco, hato’o liuhosi nia intervensaun polítika, Plenaria iha Parlamentu Nasionál, Tersa (09/06).

Hatan ba sujestaun ne’e, porta voz Governu konstitusionál da-ualu, Sekretariu Estadu Komunikasaun Sosiál (SEKOMS), Merício Juvinal dos Reis ‘Akara’, hateten preokupasaun ne’ebé deputadu sira hato’o sei transmite ba Ministériu Edukasaun Juventude no Desportu hodi fó solusaun.

“Preokupasaun ne’ebé mak ohin levanta iha plenaria  ne’e, hau sei transmite kedas ba ministériu relevante sira, depois hetan esplikasaun iha plenária tuir mai”. dehan Porta voz Governu, Mericio Akara. Uar

Leave a Reply

Your email address will not be published. Required fields are marked *