Subsídiu Ba Uma-Kain, Armanda : “Populasaun Sira Seidauk Hetan Direitu Atu Reklama Ba MSSI”

Fahe Tutan

Naunil Media (Díli), Vise Primeira Ministra (VPM) no Ministra Soidariedade Sosiál no Inkluzaun (MSSI), Armanda Berta dos Santus, hateten populasaun sira ne’ebé naran laiha lista subsídiu Uma-Kain U$100 atu reklama ba MSSI hodi hodi asesu fali diretu refere.

“Se karik populasaun sira nia naran mak sai fali munisípiu seluk, iha Díli ka  iha ne’ebé tenke halo reklamasaun ba Ministériu  Solidaridade Sosial no Inkluzaun (MSSI) atu hetan diretu, tanba  populasun  merese hatu atu simu no uma-kain ida tenki prezenta ida no labele dupla”, hateten VPM no atául MSSI, Armanda Berta dos Santus, ba jornalista sira  hafoin abertura ba loron dauluk atribuisaun subsídiu Uma-Kain iha Sede suku Comoro, Tersa (09/06).

VPM, Armanda Berta, hatutan “Estadu emerjénsia populasaun la halo atividade hodi halo prevensaun ba  COVID 19 no  Governu fó sai ba públiku katak kada uma-kain ida hetan subsídiu U$100.00 durante  estadu emerjénsia.

“Ohin hahú pagamentu iha teritóriu Timor laran, maske prosesu ne’e kleur,  mesmu ita-nia komunidade barak mak krítika ba subsídiu U$100.00 maibé ne’e la iha buat ida. Importante mak subsísidiu to’o ona ba populasaun” aprofunda VPM, Armanda Berta.  

Governante ne’e apela, “ba populasaun ne’ebé ladauk hetan subsídiu tenke halo  reklamasaun, bele hato’o ba Ministériu Adiministrasaun Estatal no mos ba MSSI, para bele haree fila-fali durante loron 15 nia laran”.

Subsídiu Uma-Kain ne’e Governu fó pagamentu ho montante U$200.00 hodi  aguenta ba populasaun sira nia uma laran,  durante fulan rua nia laran iha situasaun COVID-19. Pau

Leave a Reply

Your email address will not be published.