Xanana : “Partisipasaun Máximu Iha Asean Regional Forum Prova Pontu Forte Entre País Membru Sira”

Fahe Tutan

Naunil Media (Díli), Xefe Negosiadór Prinsipal ba Delimitasaun Fronteira Maritima, Kay Rala Xanana Gusmão, hateten nasaun barak mak prezente iha Asean Regional Forum ne’e hatudu pontu forte hodi promove liu tan rejional ne’e ho dame no koperasaun global.

Kay Rala Xanana Gusmão koalia asuntu ne’e liu husi nia deskursu abertura ba Asean Regional Forum mak hala’o iha Ministériu Finansas, Aitarak Laran, Kinta (27/02).

Asean Regional Forun durante loron rua (27 to’o 28 fulan ne’e) koalia kona-bá rezolusaun ba disputa no lei tasi nian.   

“Ha’u simu ita boot sira iha Timor-Leste ba semináriu forum rejional Asean nian. Importante tebes, ida ne’e hodi koalia kona-ba rezolusaun ba disputa no lei tasi nian”, hateten Xanana.   

Líder nasionál, Xanana Gusmão, prezensa máximu husi país membru sira nian iha iha Asean Regional Forum ne’e hatudu pontu forte hodi promove rejional ne’e ho dame no koperasaun global.

“Hau agradese ba forum ida ne’e, Malázia no Austrália hodi organiza eventu ida ne’e iha Timor-Leste. Sira nia servisu ne’e  refleta ba komitmentu, rezolusaun ba disputa no ba lei internasional, e hau kontente no ho ksolok bo’ot simu ita bo’ot sira iha fatin ida ne’e (salaun ministériu finansas)”, agradese líder karismátiku Kay Rala Xanana Gusmão.

Eis Prezidente Repúblika Demokrátika Timor-Leste (RDTL), iha esperansa bo’ot ho semináriu ne’e Timor-Leste bele aprende hosi reprezentante kada membru país.

Partispa iha semináriu Asean Regional Forum iha Timor-Leste ne’e mak reprezentante husi país membru sira, peritus ba area rezolusaun disputa no lei tasi nian inklui pratikante, peritu legal no teknikal, diplomata no akademiku sira. Lop

Leave a Reply

Your email address will not be published.