UE Tulun TL Miliaun 16.2 Ba Fortalezimentu Programa Dezentralilizasaun Administrativa
Naunil Media (Dili), Embaixadór Uniaun Europeia (UE), Andrew Jacobs, hateten Uniaun Europeia apoia orsamentu miliaum $16.2 hodi finansia ba fortalezimentu programa governu nian kona-bá dezentralizasaun administrasaun públika.
Nune’e iha Kinta (27/02) ne’e, Ministru Negosius Estranjeirus no Koperasaun (MNEC-Sigla Português) Dionisio Babo asina akordu ho Embaixadór Uniaun Europeia (UE) iha Timor-Leste Andrew Jacobs.
“Kopersaun ne’e nudar inisiativa foun ida ne’ebé ami halo hodi finasia ba programa governu nian ne’ebé foka bai ha dezenvolvimentu sustentavel Timor Leste nian liu-liu bá programa ne’ebé liga ba governasaun, administrasaun públika, alnde ida ne’e mós ami servisu ho Estadu Timor Leste hodi aproxima di’ak liu tan sidadaun hotu-hotu iha Timor-Leste”,dehan Embaixadór Andrew ba jornalista hafoin asina akordu ho governu Timor-Leste iha Sala VIP MNEC Praias dos Cuqueiros.
Diplomata ne’e UE ne’e akresenta katak, apoia finansiamentu ne’ebé `UE halo ho governu Timor-Leste hodi komplemente bá programa desentralizasaun iha Timor-Lste ne’ebé implementa espesialmente husi UNDP.
“ Programa dezentralizasaun administrativu iha Timor-Leste ne’e implemeta husi UDNDP no osan ne’e finansiementu husi ami”, katak Andrew.
Nia dehan kona-ba programa dezetralizasaun administrasaun púbika ne’e parte UNDP mós apoiu maximu husi Parlamentu Nasional, komisaun A ne’ebé trata bá asuntu Konstituisionál, Justisa, Administrasaun Públika no seluk tan.
Iha sorin seluk, Ministeriu Negosiu Estranjeiru no Koperasaun (MNEK), Deonisio Babo Soares, senti onradu tebes no nia parte hato’o agradese bá Uniaun Europeia (UE) nia apoiu tomak mai Timor Leste, ho apaoiu ida ne’e emkoraza Timor-Leste hodi servisu maka’as liu tan hodi hadia serbisu administrasaun públiku iha futuru.
“Ami nia asina ida ne’e, naran akordu finanseiru ba Programa Apoiu ba Polítika Dekonsentrasaun no Desentralizasaun ho montante Orsamentu $16,2, miloens, orsamentu pakote husi programa ikus husi 2014-2020 nian”, hatutan Deonisio iha MNEC Pante Kelapa.
Serimonia asina Akordu ne’ebe hala’o iha Ministeriu Negosiu Estranjeiru no Koperasaun, no hetan partisipasaun Embaisador Portugal iha Timor Leste, Ministru Administrasaun Estatal no Korpu Diplomátiku sira seluk. Cgj
