Fretilin Vota Kontra Pakote Ekonómiku Komersiál, La’os Fronteira Marítima

Fahe Tutan

Naunil Madia (Díli), Sekretáriu Jerál Partidu FRETILIN, Marí Bin Amude Alkatiri, hatete Fretilin la vota kontra Fronteira Marítima (MR), maibe vota kontra pakote ekonómiku komersiáll no vota kontra pursentu 30 (%) ne’ebé atu oferese de’it ba Australia.

Eis Primeiru Ministru, Mari Alkatiri deklara asuntu ne’e liu husi diskursu abertura iha konferensia nasionál partidu Fretilin nian ba dahaat, iha salun São José Katedral, Sabadu (14/03).

Sekretáriu Jerál Partidu Fretilin, Marí hatutan, iha VII governu hahú ko’alia ona tasi Timor no Primeiru Ministru kria komisaun ida halibur ideia ka buka opiniaun fó  solusaun ba fronteira maritima, tanba  problema fronteira marítima ne’e mai husi pensamentu koletivu no naturalmente iha ekipa ida halo negosiasaun.

“Iha VII governu hahú ko’alia ona tasi Timor no Primeiru Ministru kria komisaun ida halibur ideia ka buka opiniaun fó  solusaun ba fronteira maritima, tanba  problema fronteira marítima ne’e mai husi pensamentu koletivu.  naturalmente iha ekipa ida halo negosiasaun, fó parabéns ba xefe ekipa.  Fronteira marítima nian hanesan akordu  husi intrese nasionál, sala iha akordu ida tau hotu fali pakote ekonómiku tama hotu iha laran”, hateten líder históriku ne’e.

Fundadór estadu ne’e dehan, “Xanana dehan Fretilin vota kontra fronteira marítima ne’e nia bosok, Fretilin la vota kontra Fronteira marítima, vota kontra pakote ekonómiku komersiál no vota kontra 30 pursentu (%) ne’ebé ita oferese de’it ba Australia, lalika mai ho bosok para manan fali povu”.

“Fretilin hatene saida mak Xanana halo, tanba ne’e liu husi konferensia nasionál atu aprova rezolusaun ida ba rekuiñese Fronteira Marítima, maibé atu loke fali negosiasaun pakote ekonómiku komersial”. hakotu Marí. Uar

Leave a Reply

Your email address will not be published.