Komisaun Interministeriál Jestaun Krize Sei Estende Estadu Emerjésia

Naunil Media(Dili), Ministru Reforma Legislativa Asuntu Parlamentar (MRLAP), Fidelis Manuel Leite Magalhães informa,  membru komisaun entre interminister Jestaun Krize  sei estende estadu emerjénsia to’o loron 30.

Asuntu ne’e hato’o husi Ministru Reforma Legislativu Asuntu Parlamentar (MRLAP), Fidelis Manuel Leite Magalhaes ba jornalista sira hafoin remata enkontru entre komisaun inter-ministeriál Jestau Krize iha, edifisiu Ministériu Finansa, Aitarak Laran, Sexta (17/04).

“Ohin iha memru komisaun interministeriál Jestaun Krize hala’o  diskusaun  desizaun kona-ba estensaun ba Estadu Emerjénsia, halo desizaun ho konsensual, katak liña-ministeriál hotu-hotu konkorda la iha objesaun ida halo hikas proposta ba estensaun Estadu Emerjénsia  ne’e to’o ba loron 30 tan”, Fidelis informa.

Governante ne’e informa, aprovasaun medidas estensaun ba Estadu Emejénsia ne’e, ekipa teknika legál sira hahú ona servisu atu haree saida mak presiza bele halo, atu bele hato’o tan fali pedidu kona-ba estensaun estadu emerjénsia hafoin estadu emerjénsia ida agora remata.

“Ohin aprova ona medidas estensaun ba estadu emerjénsia, maibé nia prosesu la’o normál hanesan bai-bain katak, pedidu atu estende tan estadu emerjénsia ne’e sei liuhusi Konseillu Ministru depois governu hato’o ba Prezidenti Republika i depois sei haruka  parlamentu nasionál hodi hetan aprovasun”, Nia informa

Rajaun estede estadu emerjénsia  ne’e Fidelis dehan, tanba sei haree tuir númeru moras COVID-19 ne’ebé rejista iha Timor-Leste. Tan ne’e parte espesialista sira sei halo avaliasaun ba regras estadu emerjénsia ne’ebé dadaun ne’e implementa ona. Nune’e sei haforsa  liu tan medidas balun ne’e lai la fó liu husi aprovasaun iha orgaun estadu hanesan parlamentu nasionál, maibé governu halo alterasaun dekretu estadu emerjensia hodi halo dekretu tuir nesesidade estadu emerjénsia nian.Uar