PM Taur : “PR Lú Olo Fó Konfiansa Tomak Ba VIII Governu

Fahe Tutan

Naunil Media (Díli), Prezidenti Repúblika (PR), Francisco Guterres ‘Lú Olo’ fó nafatin komfiansa ba atuál Primeiru Ministru (PM) Taur Matan Ruak hodi lidera VIII governu konstituisionál, nune’e halo preparasaun ne’ebé diak hodi hasoru pandemia Korona virus (COVID-19).

“Prezidente Repúblika (PR) Francisco Guterres ‘Lú Olo’ aseita nomós Prezidente Repúblika (PR) Francisco Guterres ‘Lú Olo’ nia fó  konfiansa tomak ba VIII governu konstituisionál,”

Primeiru Ministru Taur Matan Ruak, haktuir asuntu ne’e ba jornalista sira hafoin sorumutuk semanál ho Xefe Estadu Timor-Leste, Francisco Guterres ‘Lú Olo’ iha Palásiu Prezidensiál, Nicolau Lobatu, Bairro Pité, Sexta (17/04).

“Ohin ne’e enkontru semanál ho PR Francisco Guterres ‘Lú Olo’, asuntu 3, ida agradese ba Prezidente Repúblika (PR) Francisco Guterres ‘Lú Olo’ kona-ba konfiansa ne’ebé fó ona mai VIII governu, tanba hanesan ita boot (jornalista) sira hatene, hau retira fila-fali hau-nia pedidu demisaun ida ne’e, Prezidente Repúblika (PR) Francisco Guterres ‘Lú Olo’ aseita nomós Prezidente Repúblika (PR) Francisco Guterres ‘Lú Olo’ nia fó  konfiansa tomak ba VIII governu konstituisionál,”   haktuir PM Taur.

Durante sorumutuk, Xefe VIII governu konstitusionál da-ualu informa,  govrnu nian preparativus ba prevensaun no kombate surtu mundiál COVID-19 no númeru kazu pozitivu COVID-19 ne’ebé komfirmadu dadaun iha Timor-Leste hamutuk nain 18 rekupera nain ida,  oras ne’e sei iha fatin izolamentu ba Prezidente Repúblika (PR) Francisco Guterres ‘Lú Olo’.

“Ita-nia esforsu atu sosa ekipamentu protesaun, ai-moruk, no buat hotu ne’ebé presiza hodi responde ba situasaun ida ne’e”, informa Taur Xefe VIII governu ne’e inform aba Prezidente Repúblika (PR) Francisco Guterres ‘Lú Olo’, dehan eis gerileiru no atual xefe órgaun exekutivu ne’e.

Iha okaziaun ne’e xefe  governu mós informa,  kona-ba servisu komisaun inter-ministeriál kona-ba Jestaun Krize nian ba Prezidente Repúblika (PR) Francisco Guterres ‘Lú Olo’.

“Tanba orsida lokraik (17/04) ami sei enkontru iha reuniaun komisaun interministerial Jestaun Krize para atu haree posibilidade estensaun ou kona-ba situasaun emerjénsia ne’e”.  hakotu Nia. Pau  

Leave a Reply

Your email address will not be published.