PPN Rekuiñese Médiku, Seguransa no Jornalista Liña Frente Hasoru Covid-19

Fahe Tutan

Naunil Media (Díli), Prezidente Parlamentu Nasionál (PPN), Arão Noe de Jesus da Costa Amaral, rekoñese médiku, autoridade defeza no segurasa (F-FDTL no PNTL) no jornalista sira iha liña frente hasoru surtu COVID-19.

“Iha kontestu ida ne’e,  ita hotu hatene hela sé-sé mak iha oin. Primeiru kedas médiku sira, segundu mak F-FDTL no PNTL.  parte ida mak jornalista sira (mídia sira)”, hateten PPN Arao Noe, ba jornalista sira iha Parlamentu Nasionál, Sesta (17/04).

Nia esplika, médiku sira mak iha liña frente dahuluk, tanba kada loron halo tratamentu ba pasiente surtu COVID-19.

“Estadu presiza fó garantia ba sira (médiku), nune’e mós FALINTIL-Forsa Defeza Timor- Leste (F-FDTL) no Polísia Nasionál Timor- Leste (PNTL) ne’ebé sai asegura implementasaun Estadu Emerjénsia hodi hasoru COVID-19”, sujere Nia.

Tuir Xefe órgaun lejisladór ne’e, katak mídia liuhosi jornalista sira mak transmite informasaun ba públiku kona-ba kazu COVID-19 kada loron, parte seguransa sivíl nian mós fó kontribuisaun tanba ne’e sira merese hetan atensaun.

“Atu fó subsídiu ba sé-sé ne’e, kompeténsia Governu nian. Montante hira ba hira ne’e kompeténsia Governu nian maibé merese Estadu fó atensaun, liu-liu liña frente médiku sira. sira ne’ebé lori ambulánsia ne’ebé foti sai moras sira. Ema sira ne’ebé iha liña frente ne’e mós iha família. Tuir loloos sira preokupa hanesan ita katak lakohi sai hosi uma.  Di’ak liu iha uma haree oan sira más,  tanba servisu, sira tenke halao sira nia knaár inklui imi (jornalista sira)”. dehan Nia. Ana

Leave a Reply

Your email address will not be published.