CIGC Adia Re-Integrasaun Abitante 84 Ba Sira Nian Família
Naunil Media (Díli), Tuir infrmasaun ne’ebe antes ne’e Sentru Integradu Jestaun Krize (CIGC-Sigla Português) anunsia, Sesta (17/04) atu re-integra abitante 84 ba sira nian família, hafoin kompri kuarente durante loron 14, iha Ótel Leokasia Raikotu, Lecidere no Sakura Hotel, maibe tenke adia fali tanba sei hein rezultadu konfirmasaun sira nian sampel ba Australia.
“Parte laboratóriu nasionál husu atu adia prosesu re-integrasaun ne’e, tanba abitante iha Ótel tolu ne’e sira nian sampel sei lori ba halo konfirmasaun iha Australia”, Diretór Gabinete Polítika Planu noKoperasaun, Ministériu Saúde,Narciso Fernandes,ba jornalista sira iha Ótel Leokasia Raikotu, Sesta (17/04).
Nia haktuir, pedidu laboratóriu nasionál iha Sesta dadér ne’e, katak presiza extende tan loron rua iha Ótel ba abitante hirak ne’e hodi rezutadu konfirmasaun ba sira nian sampel ikus hodi justifika lolós livre hosu surtu COVID-19.
“Informasaun mak simu hosi laboratóriu nasionál, katak iha Ótel Leokasia iha abitante nain 3 mak ninia sampel sei konfirma hela, enkuantu Ótel Lecidere no Sakura seida’uk hatene detallu”, informa Nia.
Abitante iha hotel Leokasia hamutuk nain 34, iha hotel Lecidere 41 no hotel Sakura nain sia. Entre abitante iha fatin tolu ne’e kompostu hosi feto nain 37 no mane nain 47. Uar
