FEATUREDIkus LiuNews

Komunidade Haruka F-FDTL Oho Karau, Tanba Estraga Natar

Fahe Tutan

Naunil Media (Díli), Relasiona ho informasaun  ne’ebé fó sai iha públiku katak membru Falintil Forsa Defesa Timor-Leste (F-FDTL) oho komunidade sira-nia karau  Xefi Estadu Maiór  F-FDTL, Koronel Calisto  dos  Santos ‘Coli Coliati’  deklara, membru F-FDTL la oho kuminidade sira-nia karau, maibé komunidade mak husu F-FDTL hodi oho tanba estraga natar.

Xefi Estadu Maiór  F-FDTL, Koronel Calisto  dos  Santos ‘Coli Coliati’ ba jornalista sira iha Quartel Geral F-FDTL, Fatuhada, tersa (23/02). 

“Milítar la halo viólasaun, milítar la oho renu (povu) nia karau. Iha  ne’ebá karau na’in, natar na’in hamutuk ho autoridade lokál nomós lia na’in  sira tur hamutuk mak  husu milítar ba oho sira-nia karau tanba estraga sira-nia natar”, dehan Calisto.

Calisto hatutan, aktu sira ne’e deskonfia katak membru F-FDTL oho komunidade nian karau presija halo investigasaun atu halo apura nian velosidade loos ka la’e atu lori ba justisa.

“Ha’u simu relatóriu ne’ebé mak mai husi komunidade, autoridade lokal, husi parte polísia katak iha ne’ebá milítar sira la halo viólasaun ba komunidade sira-nia animál”, nia informa.

Nune’e mós nia dehan,  maibé parte husi milítar sei dúvida tanba komandante ida bainhira iha terenu hola inisiativa rasik hodi kilat ou kartus ba tiru animál ne’e sala  tenki prosesa tuir regulamentu milítar nian.

“Komandante iha terenu la iha inisiativa atu uza kilat ou kartus hodi tiru saida de’it ne’e sala, tanba ne’e tenki halo prosesu tuir disiplina milítar nian, dadaun ne’e sira sei iha terenu sentru jestaun krize hodi responde ba problema ne’ebé mak ita hotu infrenta covid-19”. Tenik Calisto. Ina

Leave a Reply

Your email address will not be published. Required fields are marked *