FCS UNTL Férias Hodi Prevene COVID-19

Fahe Tutan

Naunil Media (Díli), Dekanu Faculdade Ciências Sociais (FCS) Universidade Nasionál Timor Lorosa’e (UNTL) , Camilio Ximenes de Almedia, hateten despaixu hosi reitór katak universidade tenke férias tantu estudante no dosente  hodi prevene pandemia  moras corona virus (COVID-19).

“Ha’u simu despaixo hosi magnifiku reitór UNTL hahú férias hosi 23 fulan Marsu to’o 14 fulan Abril  hodi antisipa moras COVID-19 tanba ne’e fakuldade orienta ona depaixu no ezekuta ona orden de traballu   hosi magnifiku reitór”,  hateten Dekanu FCS Camilio Ximenes de Almeda  ba Naunil Media iha resintu Fakuldade Ciensias Sociaís (FCS) UNTL Kaikoli, Segunda (23/03).

Dekanu Faculdade Ciências Sociais ne’e hatutan, fakuldade haruka fila estudante sira ba uma no estuda de’it iha uma. Hosi semestre 1 to’o 7 normalmente estudante aprende liu hosi internet (0nline) no telefone Whats App, Email hodi hetan matéria hosi dosente sira.

“Ha’u fó ona orientasun ba profesór sira hodi simu estudate sira liu hosi  kontaktu no kualker tempu mak estudante presiza hosi telefone, whats App no email. Nune’e mós orienta ba monografia. Agora ne’e ita labele hasoru malu hodi halo prosesu apredijazen hanesan bainbain  no orienta monografia, maibé liuhosi hanesan meius sira ne’ebé iha”, informa Camilio.

Nune’e Nia husu ba estudante sira labele husik tempu férias ne’e hodi halimar, maibé tenke uza tempu hodi hala’o traballu ne’ebé dosente sira fó ba estudante  sira. Ivo

Leave a Reply

Your email address will not be published.