Papél Médiku no Media Importante Kombate COVID-19 Iha TL
Naunil Media (Díli), Sekretáriu Estadu Komunikasaun Sosiál (SEKOMS) Merício Juvinal dos Reis ‘Akara’, hateten papél mediku no media sai liña inportante hodi kombate pandemia corona virus iha Timor-Leste (TL) tanba ne’e governu presiza proteze sira (médiku no media).
SEKOMS Merício Juvinal dos Reis ‘Akara’, ba jornalista sira hafoin partisipa reuniaun ho líder bankada sira kona-ba aplikasaun regras prevensaun corona virus iha uma fukun, parlamentu nasionál (PN), Segunda (23/03).
“Médiku no Media sira sai hanesan grupu ida ne’ebé iha oin los, ne’ebé ita tenke proteze sira no fó apoiu ba sira duni para sira halo servisu avontade, ida ne’e mak governu hakarak duni”, Merício informa.
Governante ne’e haktuir, governu sei buka dalan fó apoiu ba jornalista sira liu-liu ba materiál hanesan masker no lubas, maibé instituisaun media hotu mos tenke kontribui prepara ekipamentu sira prevensaun ba jornalista idak-idak.
“Governu sei buka dalan kontinua apoia ba media sira, liu-liu ekipamentu sira hanesan masker, luvas no saida mak sei presiza, ekipa konjunta sei konsidera ba preokupasaun ida ne’e. Hodi fó mós apoiu ekstra ba jornalista sira mas minimu instituisaun idak-idak ne’ebé iha posibilidade tenke asegura uluk nia jornalista sira”, dehan governante.
Nia subliña, ho preokupasaun sira ne’e mak hato’o ona iha ajenda diskusaun entere ekipa konjuta, maibé ohin sei aprezenta ona ba konsellu ministru mak sei foti desizaun ba asuntu refere. Uar
