Komemora 28 Novembru, Lere Husu Povu Baucau Halo Reflesaun, Halakon Violensia
Naunil Média (Dili), Komemorasaun Loron proklamasaun independensia 28 Novembru ba dala 46 Xefe Estadu Maior General das Falintil-Forsa Defeza Timor-Leste (F-FDTL), Tenente General Lere Anan Timur husu ba povu Baucau atu halo reflesaun no halakon violensia.
” Ha’u husu ba Timor-oan tomak hadomi ita nia rai hadomi, Ita nia povu, Liuliu ba hau nia alin no ha’u nia oan sira iha Munisipiu Baucau ne’ebá ne’e tinan ida ne’e komemora proklamasaun independensia iha ne’eba hanesan aguabenta ida atu bensa ba imi para halakon tiha violensia tanba Baucau hanesan sentru rezisténsia no tenke halo reflesaun”, Dehan Tenente General Lere, Iha palásiu Prezidensiál Nicolau Lobato Bairru Pite, Kuarta, (24/11).
Nia haktuir, Timor-Leste selebra independensia unilateralmente ba dala 46, restaura independensia iha 2002 agora besik tinan 20 ona
” Ita agora restaura indepedensia ba 46 ona hanoin katak atu to’o ukun a’an lolo’os ne’e iha (20/05/2002), Timor-oan barak mak fakar ran, ita ne’ebé mak sei moris ita deve sira, No sira ne’e mak Heroi lolo’os no asuwain lo’os ba Timor”, tenik Lere
Lere Konta, Timor-oan sira ne’ebé sei moris, Hanesan uluk Saudozu Nicolau Lobato no matenek sira dehan, sira ne’ebé uluk revolusionariu bele sai traidor, aban bainrua nian, no se mak traidor ne’e bele revolusionariu fila fali.
Tanba ne’e nia fó ezemplu nu’udar Tenente Jeneral ida hanesan nia no maluk sira seluk 24 anos, dehan asuwain Falintil ninian mais bele komete krime ruma ninia regalia bele lakon tiha sai fali traidor mós iha.*Jos
