Relay Laleia Adia Jogu Amizade Kontra Bintang Timur no PSK Kupang

Fahe Tutan

Naunil Media (Díli), Prezidente Klubu Futeból Relay Laleia FC, Feliciano Perpetua Ximenes, hateten relasiona ho asuntu pandemia moras corona virus ne’ebé dadaun ne’e sai ema hotu iha tomak nia preokupasaun inklui mos Timor-Leste, Relay Laleia sei adia orariu jogu amizade hasoru  Bintang Timur FC ho PSK Kupang.

Prezidente Klubu Feliciano Perpetua Ximenes,haktuir tuir lolos ne’e iha fulan Maiu tinan ne’e ekipa Relay Laleia aranka ba Kupang Nusa Tenggara Timur (NTT) hodi hasoru klubu rua atu hala’o jogu amizade, maibé adia fali ba fulan Junñu no Jullu tanba COVID-19.

“Kona-ba data atu ba halo jogu amizade ho klubu rua hosi nasaun viziña Indonezia  (PSK Kupang ho Bintang Timur) ne’e fixu ona, maibé adia fali tanba COVID-19 tama ona Kupang ho Atambua”, Prezidente Klubu Relay Laleia FC, Feliciano Perpetua Ximenes, ba Naunil Media via telefone, Segunda (23/03).

Jogu amizade ne’ebé tuir planu sei akontese iha fulan Junñu ka Jullu ne’e hanesan Relay Laleia FC nia preparasaun ba liga juvenil sub-16 Timor-Leste nian mak sei akontese iha fulan Agostu 2020. Dvo

Leave a Reply

Your email address will not be published.