Ezbosu Lei Kriminaliza Difamasaun Sei Benifisia De’it ba Ukun-Nain Sira
Naunil Media (Díli), Port voz Front Mahasiswa Timor-Leste (FMTL), Leonízio Mariz, hateten projetu ezbosu lei kriminaliza difamasaun ne’ebé kria husi Ministériu Justisa (MJ) ne’e sei benifísia de’it ukun-nain sira.
“Ami haree lei ne’e benefisia de’it ba ukun-nain sira, fó liberdade ba koruptór sira no sai fatin abrigu ba krimnozu sira, tanba ne’e ami husu ba Ministru Justisa Manuel Cárcere da Costa labele uza poder hodi halo buat hotu tuir nia gostu. Ami husu atu hapara ezbosu lei ida ne’e no ami ejiji ba ministru justisa atu halo ezbosu mak lei ‘CYBER CRIME’ nune’e bele regula utilizadór media sosial”, Porta voz FMTL, Leonízio Mariz ba jornalista sira, iha resintu Liceiu Universidade Nasionál Timor Lorosa’e (UNTL), Segunda (13/07).
Porta voz ne’e, afirma sira lakonkorda ho ezbosu lei krimanaliza difamasaun tanba sei la autoriza ba sidadaun sira espresa niania hanoin ruma kontra buat ne’ebe laloós iha Timor-Leste.
“Ami la konkorda ho esbosu lei ne’ebé mak no Ministériu Justisa atu apresenta ba konsellu Ministru. Rekursu primeiru, ami sei uza komunikadu impresa atu alerta públiku. Segundu, ami sei halo petisaun ba parte relevante hodi hapara lei ezbozu ne’e”. Informa Leonizu.
Porta voz ne’e, enkkoraja sidadaun hotu-hotu no liu-liu ema rezistensia sira atu hamriik hodi hateten kontra ezbosu lei kriminaliza difamasaun.
“Ami estudante universitariu husu ba lideransa nasionál sira liu-liu ba kuadru sira ho resisténsia sira hotu katak esbosu lei kriminalizasun defamasun ne’e la nesesaria”. Dehan Nia. Fet
