Ohin, Komandu PNTL Desloka Membru Na’in-40 Ba Iha Fronteira
Naunil Media (Díli), Ohin tersa (02/03) ne’e, Komandu Polísia Nasionál Timor-Leste (PNTL) deskola membru hamutuk na’in-40 ba apoiu seguransa iha fonteira.
Segundu Adjuntu Kordenadór Estadu Maiór Kordernadór Marcos Siqueira ba jornalista sira hafoin deslokasaun membru PNTL ba fronteira Kovalima, iha Centro Convenções Dili (CCD), tersa (02/03).
“Agora dadaun ne’e ita halo preparasaun ba membru PNTL hamutuk 40 inkliu mós kondutor hamutuk 12 ho kareta 13, kareta 7 ne’ebé mak hetan husi komandu husi Superindente Xefe Octavio hodi ba intrega, iha Kasa, Suai”, dehan nia.
Marcos hatutan, deslokasaun membru PNTL na’in-40 laiha determinasaun tempu ba sira tanba haree iha serku sanitariu ne’e bainhira mak situasaun normal fila fali ona iha teritóriu nasionál tomak, hafoin hatu ordem membru PNTL sira fila.
“Dadaun ne’e povu no nasaun presija ita, parte forsa rua PNTL no Falintil Forsa Defesa Timor-Leste (F-FDTL) ne’e la hanoin akomodasaun, maibé agora dadaun sira aranka ho ekipamentu ne’ebé mak iha”. tenik nia.
Nia dehan, membru PNTL na’in-40 kompostu husi Unidade Kontenente Jenerál , Unidade Mariña Unidade Polísia Kolegiu no Unidade Komandu Jerál, membru sira ne’e sei ba apoiu servisu sanitariu, pasa revista (cek-point) iha Suai ne’ebé tama mai Díli.
“Ami-nia misaun mak atu apoiu kualker tempu bainhira presija forsa rua PNTL, F-FDTL no Protesaun Sivil ne’e ami kualker situasaun, ami sempre prontu no servisu hamutuk hodi haree ba estabilidade no situasaun iha rai laran hodi bele ajuda governu atu mantein fali situasaun ne’ebé mak di’ak fali”. tenik Marcos. Flo
