UNICEF-ADB Fó Apoia Ekipamentu Mediku COVID-19 Ba MS
Naunil media (Díli), Fundu Nasoins Unidas ba Labarik (UNICEF) no Banku Dezenvolvimentu Azia (ADB) ofisialmente apoiu ekipamentu mediku moras Covid-19 ba Ministériu Saúde (MS).
Iha entrga ekipamentu mediku ba kovid-19 entre husi reprezentante UNICEF, Scott Whoolery no Banku Dezenvolvimentu Azia husi Diretór País, Sunil Mitra entrega ba Diretóra Jerál Prestasaun Servisu, Dra. Odete da Silva Viegas.
Reprejentante UNICEF iha Timor-Leate Scott Whoolery haktuir, “UNICEF kontente tebes hodi fó apoiu ba MS hodi hatan ba pandemia Kovid-19 nomós hodi garante servisu saúde sira seluk hala’o nafatin tuir ema sira-nia nesesidade saida de’it.
“Nesesidade saida mak ami beIe halo iha tempu inserteza ne’e hodi garante labarik no sira-nia família bele iha asesu ba kuidadu saude tuir lolos ami-nia dezempeñu ita hotu hamutuk ba ida ne’e”, dehan reprejentante UNICEF iha Timor-Leate Scott Whoolery ba jornalista sira hafoin serimónia fosial entre ekipamentu, iha sala izolamentu Covid-19, Hospital Antonio Carvalho, Lahane, tersa (02/03). .
Iha fatin hanesan Diretóra Jerál Prestasaun Servisu, Dra. Odete da Silva Viegas hateten, ohin simu apoiu husi UNICEF ho di’ak hodi hola ekipamentu saude esensial, ne’ebé ajuda tebes hodi halo tratamentu ba ema hotu mak hetan moras COVID-19, nomós ba ema sira hotu iha Tmor-Leste mak presiza asesu ba sentru kuidadu saúde sira no servisu ba sira seluk.
“Ita lolos la bele husik hela deit pandemia ne’e, tamba ne’e ita tenke hatene katak apoiu husi UNICEF signifika ita iha ekipamentu ho kualidade aas hodi halo kuidadu saúde ba populasaun Tlmor-Leste”. Odete Subliña.
Odete informa, ekipamentu totál atus-walu resin mak haneasn kama ba hospital ba Unidade Kuidadu Intensivu (ICU), kama sira seluk ba hospital, ventiladór ba ICU, oximetru ba pulsu, lampada ultravileta bas ala esterilizasaun, termometrus infravermellu, laringoskopiu ba adultu no labarik sira no luz ba izaminasaun.
Nia hatutan, governu apresia ba servisu durante ne’e ajénsia sira suporta tebes Timor-Leste.
“Ita hetan ona ekipamentu mediku ne’ebé mak ita presija iha kazu grave nian la’ós iha ne’e de’it, maibé kama balu sira oferese hamutuk 100 ida 25% tau iha Hospital Antonio Carvalho Lahane no 75% tau iha izolamentu tasi tolu”, nia hato’o.
Iha sorin seluk Diretor ADB iha Timor-Leste Sunil Mitra hatutan, Banku Dezelvolvimentu Azia apoia ona hodi responde ba Covid-19 iha Timor-Leste, liu husi daIan ne’e sei ajuda garante Timor-Leste prepara an di’ak atu fornese servisu saúde nesesaria Covid-19. Ina