PPN Aniceto: Relata Terseira Sesaun Lejislativa ba PR

Naunil Media (Díli), Prezidenti Parlamentu Nasionál (PPN) Aniceto Longuinhos Guterres Lopes relata Terseira Sesaun lejislativa ba xefí estadu, tanba sesaun lejislativa ne’e remata ona no agora tama ona ba periodu intervalu.

Líder orgaun lejislativa ható lia hirak ne’e ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha palásiu Prezidenti Nicolau Lobato Bairru Pite, kuarta (04/08).

“Terseiru sesaun lejislativa termina i tama ona ba periodu intervalu nu’udar Prezidenti Parlamentu Nasionál (PPN) mai informa kona-bá sesaun lejislativa remata tiha ona ho nia prosesu funsionamentu instituisaun PN ninian”, Dehan PPN Aniceto.

Aniceto hatutan, ho dezemprñu sira ne’ebé durante tinan ida nian sesaun lejislativa ida ne’e, no sesaun lejislativa mak komesa hahu loron 15 fulan Setembru tó mai iha loron  14 fulan Jullu ne’e sesaun lejislativa ida nian.

Nia haktuir, Nune’e mós maizumenus lei hira mak parlamentu aprova hatan ba kestaun ne’ee PPN hatete lahatene se aprova lei ida rua karik nia dekor.

 “Se ita bo’ot sira akompaña ne’e hira maizumenus ne’e ita bo’ot sira mak hatene”,  Katak nia.

Iha biban ne’e husu mós kona-ba ko’alia pontu espesifiku saida de’it ho Prezidente Repúblika Aniceto hatan informasaun sira ne’e nia lapresiza espesifika.

“Informasaun ne’e ha’u la presiza espesifika ha’u ko’alia saida saida,  iha ne’ebá informasaun jerál kona-bá funsionamentu PN ho nia dezempeñu durante sesaun lejislativa ida ne’e”, Tenik nia

Nian dehan, funsionamentu no dezempeñu PN nian atu di’ak ou ladiak ne’e orsida Prezidenti Repúblika (PR) mak bele hatan,  tanba nia labele hatete Parlamentu Nasionál (PN) nia dezempeñu di’ak,  ne’e ema ida-idak tuir nia avaliasaun tuir ninia haree funsionamentu ho nia dezempeñu PN durante sesaun lejislativa ne’e saida. *Jos