Corona Virus Sai Ameasa Ba Realizasaun Jogu CPLP Iha TL

Fahe Tutan

Naunil Media (Díli), Sekretáriu Estadu Juventude no Desportu (SEJD), Nélio Isac Sarmento, hateten corona virus ne’ebé sai perkupasaun ba ema hotu iha mundu tomak, ne’e fó ameasa mos ba jogu Comunidade dos Países da Lingua Portugês (CPLP) iha Timor-Leste.

Membru oitavu governu konsitusionál, Nélio ba jornalista sira iha nia kna’ar fatin Sionál Lesidere, Tersa (10/03).  

“Los duni katak ita iha ameasa bo’ot ida bele fó ameasa ba jogu CPLP mak virus corona. Neste momentu ami nafatin iha komunikasaun ho Ministériu Saúde, Organizasaun Mundial Saúde (WHO-Sigla Ingles) atu akompaña nafatin situasaun ne’e”, hateten governante ne’e.

Nélio Isac informa, “Depois enkontru  ho liñasministeriais, sei ba hasoru WHO atu husu sira (WHO) fó sira nia infórmasaun. Katak iha fulan Jullo ne’e loron ne’ebé bele ona atu organiza jogu desportivas CPLP ne’e ka la’e, tanba agora perkembangan corona virus ne’e nasaun hotu-hotu afetadu, ita kompaña hela bainhra mak remata entaun ita tenke husu WHO atu fó hanoin mai ita iha tempu besik nia laran”.  

Nia dehan, nu’udar uma na’in ba eventu desportivas ne’e, Timor-Leste nafatin halo preparasaun, no kontinua servisu hamutuk liñasministeriais hodi buka posibilidade hotu-hotu.

Jogu CPLP 2020 ne’e Timor-Leste mak sei sai uma na’in, iha ne’ebe tuir planu atu realiza iha fulan Jullu tinan ne’e, ho modalidade desportu oioin. Dvo

Leave a Reply

Your email address will not be published.