Papa Francisco Adia Vizita Mai TL

Fahe Tutan




Naunil Media (Díli), Reprezentante Santo Padre iha Timor-Leste Núnsiu Apostóliku, Monseñor Marco Sprizzi, hateten nia konfirma vizita Santo Padre  Francisco mai Timor-Leste katak adia ba tinan oin, tanba haree ba realidade corona virus da’et ona ba nasaun barak.

Núnsiu Apostóliku, Monseñor Marco Sprizzi, ba jornalista sira wainhira hasoru malu ho Prezidente Repúblika Francisco Gutteres ‘Lú ‘Olo’, iha Palasiu Prezidensiál Bairu Pite, Tersa (10/03).

“Santo padre komfirma ona sei vizita Timor-leste iha tinan oin. Kona-bá data fixu seidauk hatene depende ba corona virus, see menus bele diside iha fulan primeru, tanba ajenda   papa nian la’os fasil”, informa Núnsiu Apostóliku, Monseñor Marco Sprizzi.

Núnsiu Apostóliku, Monseñor Marco Sprizzi, hatutan tenke haree didi’ak situasaun molok Amu Papa halo vizita, tenke halo preparasaun antes no labele iha tempu udan tanba  ne’e líder mundiál Igreja Katólika nian.

Tuir ajenda ne’ebe mak komfira ona katak Amu Papa Fransiso sei vizita Timor-Leste iha fulan Outobru tinan 2020, maibe la konsege realiza tanba corona virus. Dms

Leave a Reply

Your email address will not be published.