AJTL Ho UNITAL Asina Nota Intendementu Ba Kapasitasaun Jornalizmu Multimedia
Naunil Media (Dili), Tersa (10/03) ne’e, Asosiasaun Jornalista Timor-Leste (AJTL) ho Universidade Oriental Timor Lorosa’e (UNITAL) asina nota intendementu ba area kapasitasaun Jornalismu multimedia.
Reitór UNITAL Florindo Pereira, hateten akordu entre refere atu apoia malu ba estudante sira, tanba UNITAL iha departementu komunikasaun sosiál ne’ebé prepara estudante atu sai futuru jornalista ne’ebé di’ak.
“Agora daudaun ami servisu hamutuk ho AJTL, tanba sira (AJTL) iha esperiensia durante ne’e hala’o kna’ar no advokasia iha area jornalisu. Sira nian esperiensia bele ajuda mós estudantes sira atu koñese di’ak liu tan área jornalismu nian”.
Reitór ne’e informa liu tan, kooperasaun ne’e sei implementa ho nia durasaun durante tinan ida, AJTL sei fó formasaun ba estudante departamentu komunikasaun sosial sira liu-liu area multimedia nian.
Iha fatin hanesan Prezidenti AJTL, Zevonia Vieira, kooperasaun ida ne’ebe refere tuir misaun no vizaun AJTL nian iha ne’ebé atu promove no kapasita nian membru jornalista sira.
“AJTL nakloke ba jornalista sira ne’ebé mak hala’o nian knaar lor-loron iha instituisaun media sira atu fó oportunidade ba estudante sira atu prepara sira nian aan sai jornalista ne’ebé matenek no iha kapasidade hodi sai fonte informasaun ba estadu no povu. Ami AJTL hanoin, tuir estratejia husi estrutura prepara ona ba oportunidade ida ne’e ho universidade UNITAL iha departamentu Komunikasaun Sosial, hetan oportunidade atu kapasita membru AJTL sira iha área multimedia nian”. Dehan prezidente AJTL, Zevonia. Fet
