Durante Períodu Estadu Emerjénsia Povu TL Sei ‘Kesi Kabun’

Naunil Media (Lautém), Abitante Mariano Marques, hateten implementa estadu emerjénsia hosi 28 Marsu to’o 23 Abril tinan 2020 ne’e sei lori Timor-Leste ba situasaun kesi kabun (hamlaha), tanba limita ema hotu, liliu povu ki’ik sira labele halo ninia aktividade ekonómika hodi sustenta família uma laran.

Tuir Mariano Marques núdar Motorist Angguna iha Lospalos Villa Munisipiu Lautém, katak hafoin Prezidente Repúblika (PR), Francisco Guterres ‘Lú Olo’ dekreta estadu emerjénsia ne’e sai defikuldade ba povu sira hanesan  kondutór ho vendedór sira  sei la hetan rendimentu loron-loron.

Motorista Angguna, Mariano Marques ba Naunil Media  iha Postu Administrativu Lospalos Villa, Munisípiu Lautém, Segunda (30/03).

“Realidade hosi estadu emerjénsia ne’e transporte públiku sira  la halo sirkulasaun. Desizaun hosi leten mai ne’e ami povu ki’I tenke kompri, maibe situasuan ida ne’e ami afeitadu oituan, povu ki’ik mak sei lahala’o ninia aktividade  ekonómia hodi sustenta ba família uma laran”, hateten motorist ne’e.  

Iha sorin seluk Kondutór Ojeck Tiga Roda, António Pereira, hafoin Prezidente Repúblika deklara estadu emerjénsia traballadór ojek tiga roda hotu iha Lospalos mos hapara aktividade operasaun.

“Ami agora  la hetan rendimentu tanba ami la hala’o ona operasaun hanesan bain-bain. Situasaun emerjénsia ida ne’e, ami lahatene oinsa mak bele sustenta ba ami nia família”, preokupa motorist Ojek Tiga Roda, António.

Motorista Antonio husu ba ba governu atu durante period estadu emerjénsia, tenke tau atensaun ba povu ki’ik sira, laiha tan alternative seluk ba povu ki’ik sira.

Negosiante Ostelina Ximenes mos preokupa tanba ho estadu emerjénsia ne’e labele lori produtu lokál ba fa’an iha tanba mikrolet lahalo operasaun. Lat