Ekipa Mobilizasaun Kombate COVID-19 Hahú Fahe Informasaun Ba Komunidade

Fahe Tutan

Naunil Media(Díli), Segunda (30/03) ne’e, ekipa mobilizasaun kombate corona virus (COVID-19) hahú tama sai suku iha Munisipiu Díli hodi fahe infomasaun ba komunidade sira hodi kombate COVID-19.

Tuir xefe ekipa mobilizasaun komunidade kombate COVID-19, Agusta Amaral Lopes, hateten atividade ne’e sei tama sai suku no postu administrativu 5 iha munisípiu Díli oinsa atu prevene COVID-19 iha Timor-Leste.

“Ita nia atividade ohin  hala’o iha postu adiministrativu sira Díli laran, maibé esklui mak Ataúru tanba ne’e ekipa fahe hotu ona, entaun  kareta sira fahe ba postu administrativu sira hamutuk kareta rua ka tolu hanesan ne’e, tanba ita  hakarak suku sira ne’e tama hotu hodi fahe informasaun ba komunidade sira hodi kombate COVID-19 nian”, hateten xefe ekipa Agusta Amarál Lopes ba jornalista sira iha edifisiu Ministériu Saúde, Kaikoli.

Ekipa mobilizasaun ne’e ohin  hahú hosi hahú tama sai suku ne’e  tuku 9:00 dader to’o remata iha tuku 5:30 otl. No ekipa mobilizasaun ne’e kompostu hosi Komisaun Direitu Labarik, ESTATAL, Ministériu Edukasaun Juventude no Desportu (MEJD), CVTL, MerryStopes, Care Internasionál, Mersycorps, Plan Internasionál no UNICEF luta ba kombate COVID-19 iha Timor-Leste. Uar

Leave a Reply

Your email address will not be published.