Ramos Horta : “PM Taur Aprezenta Karta Demisaun Ba PR Lú Olo Bazeia KRDTL”
Naunil Media (Díli), Eis Prezidente Repúblika (PR) José Manuel Ramos Horta, hateten aktual Primeiru Ministru (PM) Taur Matan Ruak aprejenta karta demisaun ba Prezidente Repúblika (PR) Francisco Guterres ‘Lú Olo’ bazeia ba Konstituisaun Repúblika Dekmokrátika Timor-Leste (KRDTL).
Laureadu Novel da Paz, Ramos Horta hateten asuntu hafoin partisipa seremonia toma pose estrutura Asosiasaun Jornalista Timor-Leste (AJTL), iha Salaun Ministériu Solidaridade Sosiál no Inkluzaun (MSSI), Tersa (25/02).
“Karta reginasaun ne’ebé Primeiru Ministru aprezenta ba Prezidente Repúblika ne’e ita hein de’it, bainhira mak Prezidente Repúblika foti desizaun ba pedidu deminsaun husi aktuál Primeiru Ministru Taur Matan Ruak nian”, hateten Ramos Horta.
Horta esplika, karta demisaun husi Primeiru Ministru Taur nian ba Prezidente Repúblika ne’e tuir KRDTL, maibé Primeiru Ministru labele abandora governu no mantein nafatin pozisaun hodi hein to’o forma fali governu foun.
“Aktuál Primeiru Ministru oitavu governu funsiona nafatin to’o koligasaun foun ne’ebé lidera hosi partidu neen CNRT, PD, UDT, Frente Mudansa (FM), PUUD no KHUNTO to’o simu toma pose husi Prezidente Repúblika”, realsa Ramos Horta.
Horta husu, “Ita hotu hein, líder sira husi partidu neen ne’ebé mak forma ona koligasaun foin lalais ne’e, sira sei kontinua lori lista menbru governu da-sia nian ba Prezidenti Repúblika hodi hetan pose”. Vit
