Francisco Jeronimo Eleitu Ba Vise Prezidente AFF Periodu 2022-2026
Naunil Media (Díli), Sekretáriu Estadu Joventude no Despotu (SEJD) Abrão Nokosiku Saldanha Kongratula Prezidente Federasaun Futebol Timor-Leste (FFTL) Francisco Martins da Costa Pereira Jeronimo, ne’ebé eleitu nu’udar vise prezidente Asian Futebol Federasaun (AFF) ba periodu 2022-2026.
“Parabens ba prezidente Federasaun ne’e hanesan oportunidade di’ak ida ba Timor sira, iha Timoroan ida ne’ebé hola parte iha estrutura AFF ninian ne’e di’ak liu tan, ita atu halo inkeixamentu ho sistema regional ka internasional ninian”, dehan SEJD Abrão Saldanha ba jornalista iha SEJD segunda (14/11).
Abrao hatutan, Ho eleitu hosi prezidente FFTL Francisco Jeronimo, ne’e hatudu katak hosi Rai sira seluk hahú tau fiar ona ba dezenvolimentu futebol iha Timor liu liu ba FFTL.
“Atu bele lori dezenvolimentu futebol iha ita nia Rai ne’e hatudu katak iha fiar hosi Rai sira seluk ba ita nia Rai liu liu ba Federasaun Futebol”, katak nia.
Entertantu, ba pozisaun prezidente Khiev Sameth re-eleitu nu’udar prezidente Asian Futebol Federasaun (AFF) periodu 2022-2026.
Prezidente FFTL Francisco Jeronimo eleitu nuudar vise prezidente AFF liu hosi kongresu oridinariu iha Siem Reap Kambodia segunda (14/11). Lop
