METO Husu Oitavu Governu Rezolve Lalais Problema Operasaun Ró Díli-Oe-Cusse
Naunil Media (Díli), Movimentu Estudante Tane Oe-Cusse (METO) husu ba oitavu Governu konstitusional atu tau-matan ba povu nia preukupasaun konaba operasaun Ró Díli-Oe-Cusse no Oe-Cusse-Díli.
“APORTIL-Ministériu Transporte Telekomunikasaun ho Autoridade portuariu Timor-Leste atu seriedade, servisu profissional tau-matan ba povu nia preokupasaun, tanba durante ne’e seidauk iha alternativu hosi ukun nain sira hodi fó resposta positivu ba povu Atoni oan kona-ba operasaun Ró Díli-Oe-Cusse no Oe-Cusse-Díli”, Porta voz Meto, Mateus Lopo, ba jornalista sira liu-hosi konferensia ba imprensa iha Portu Díli, Kinta (26/05).
Tuir estudante Oe-Cusse oan sira, dadauk ne’e povu atoni oan sira hotu mós hasoru hela krize ba nesesidade baziku sasan folin sa’e. Tanba kauza husi Ró la halai ka la halo operasaun, tanba loja nain sira susar atu halo viagem mai Díli hodi hola sasan no ba faan fali iha Oe-Cusse.
“Agora ultímu rekursu ne’e maka sira hein to’o Sabado, agora maka laiha resposta nafatin, maka sira sei mobiliza malu ho komunidade oecusse sira no estudante Oecusse oan sira mai ezizi ba Ró ne’e, atu nunee parte relevante sira hodi foti desizaun ba Ró ne’e, para bele halo operasaun hodi transporta povu Atoni sira Dili-Oecusse no Oecusse-Dili”, dehan porta
Nia hatutan, dadauk iha Barco rápido (kapal cepat) halo hela nia operasaun ba Oecusse, maibé folin ba tiketi maka karun tebes, presu maka hanesan $15 dollar to $30 dollar, osan la sufiente para atu bele hola tiketi refere. Mj4
