PM Taur Husu Demisaun Ba PR Lú Olo
Naunil Média (Díli), Tersa (25/02/2020) ne’e aktual Primeiru Ministru (PM) Taur Matan Ruak hatama karta demisaun ba Prezidente Repúblika (PR), Francisco Guterres ‘Lú Olo’.
PM Taur Matan Ruak hatama karta rejignasaun ba PR Lú Olo tanba xefe oitavu governu ne’e sente la satisfeitu ho Orsamentu Jeral Estadu (OJE) 2020 ne’ebé Xumba iha Parlamentu Nasionál (PN).
“Ha’u mai hatama karta reginasaun ba Prezidente Repúblika, ha’u sei hein husi Prezidente Repúblika bainhira pedidu ne’e dekreta. Se kuandu seidauk dekreta ha’u sei kontinua nafatin Primeiru Ministru hodi garante ita nian governu”, hateten xefe governu daualu Taur Matan Ruak ba jornalista sira hafoin enkontru ho Xefe Estadu Timor-Leste Fracisco Guterres ‘Lú Olo’ iha Palásiu Prezidensiál, Bairru Pité.
PM Taur dehan, pedidu ne’e Prezidente Repúblika la dekreta signifika katak sei kontunua kaer pasta nu’udar Primeiru Ministru hodi servi ba nasaun Timor-Leste.
“Prezidente Repúblika mak la dekreta, ha’u prontu nafatin servisu tanba ita mós labele husi ita nian nasaun. Ha’u lagosta mak foin lalais orsamentu jerál estadu xumba iha Parlamentu Nasionál tanba nasaun ne’e presija orsamentu”. hakotu Taur. Pau
