Diretór ESG 4 de Setembru, Sergio : “Situasaun COVID-19 Fó Impaktu Negativu Ba Estudante Sira 102 Ano”

Fahe Tutan

Naunil media (Díli), Diretór Escola Secundária  Gerál 4 de Setembro, Sergio Alfredo da Cruz, hateten relasiona ho Surtu COVID-19 iha Timor-Leste nune’e governu deside implementa estadu emerjénsia (EE) hodi  supende atividade eskola iha teritóriu laran no estudante sira liu-liu desimu segundu ano (102 Ano) labele apriende siénsia maske besik ona ezame nasionál.

“Ha’u sente triste tanba mosu COVID-19, estudante sira fulan rua ona la aprende siénsia. Kuitadu ba estudante sira iha Timor laran tomak , sira la asesu ona siénsia. Aumenta fulan ida  hamutuk fulan 3, oinsa atu sai matenek ne’e tuir edukadór sira  nian hanoin”, hateten Diretór ESG 4 de Setembro, Sergio Alfredo da Cruz, ba Naunil Media, iha nia kna’ar fatin, ESG 4 de Setembro, Balide, Kuarta (27/05).

Diretór Eskola ne’e informa, “Estudante sira klase 3  sente preokupasaun bo’ot  tamba  ezame nasionál, maibé situasaun COVID-19 estudante la hetan matéria  ba ezame nasionál nian,maibe ami konsiente katak la’os iha Timor de’it maibé iha mundu tomak”.

“Dúvida bo’ot ida, aban bain rua sira klase 3 atu tuir ezame nasionál ne’e iha ninia regras,  maibé situasaun Surtu mundiál mak hanesan ne’e. Presija tur hamutuk hodi buka solusaun, liu-liu regra sira ba estudante sira atu labele defikulta iha tempu ezame nasionál nian”. Dehan Nia. Fet

Leave a Reply

Your email address will not be published.