PM Taur Fó Konfiansa Ba Faustino Cardoso Kontinua Lidera KFP

Fahe Tutan

Naunil Media (Díli), Konsellu Ministru (KM) aprova rezolusaun governu ne’ebe aprezenta hosi Primeiru Ministru Taur Matan Ruak rasik, hodi nomeia fila fali Komisáriu Prezidenti Komisaun Funsaun Publiku (KFP), Faustino Cardoso Gomes, kontinua lidera KFP ba tinan lima mai-tan.

“Konsellu Ministru aprova projetu Rezolusaun Governu ne’ebé aprezenta hosi Primeiru-Ministru, Taur Matan Ruak, atu nomeia fila fali Faustino Cardoso Gomes nuudar Komisáriu no Prezidente Komisaun Funsaun Públika ba mandatu tinan lima. Sei nomeia hodi sai Komisária Funsaun Públika, Maria de Jesus Sarmento no Carmeneza dos Santos Monteiro hodi ezerse sira nia mandatu durante tinan lima. Aleinde Komisáriu nain tolu ne’ebé Governu nomeia, Parlamentu Nasional mos sei nomeia Komisáriu nain rua”, haktuir nota komunikadu ne’ebe Naunil Media asesu hafoin Reuniaun KM iha Palasiu Governu, Kuarta (27/05).  

Antes nee Faustino Cardoso Gomes, nomeia ba prezidenti Komisaun Funsaun Publika, iha tinan 2015 remata iha tinan 2020, maibe Primeiru Ministru Taur Matan Ruak, fo nafatin konfiansa ba nia lidera tan tinan lima mai, hahu husi 2020 to’o 2024.

Alen ne’e Ministru Kordenador ba Asuntu Ekonómiku en ezersisiu, Fidelis Manuel Leite Magalhães mos aprezenta Projetu Rezolusaun Governu, aprova tiha hosi Konsellu Ministrus, hodi renova mandatu Arcanjo da Silva nuuder Diretór Ezekutivu ba Ajénsia Promosaun Investimentu no Esportasaun ba Timor-Leste, IP-Trade invest Timor-Leste.

Iha tempu hanesan, Ministru Obras Públika, Salvador Soares dos Reis Pires, mos halo aprezentasaun ba Konsellu Ministru relativu ba dadus kona-ba intervensaun ne’ebé realiza ona no nesesidade hodi halo intervenseun hodi rekupera fali estragu hirak ne’ebé provoka hosi inundasaun ne’ebé akontese iha fulan hirak ikus ne’e iha munisipiu sira hodi hamosu estragu ba abitasaun, edifisiu Públiku, Estrada, Ponte no infraestrutura seluk-tan Estadu nian. Uar

Leave a Reply

Your email address will not be published.