FEATUREDIkus LiuNewsPolitika

KHUNTO Husu PM Taur Ezoneira Alexandrino Xavier de Araújo

Fahe Tutan

Naunil Media (Díli), Deputadu Bankada Kmanek Haburas Unidade Nasionál Timor Oan (KHUNTO), Luis Roberto, husu ba Primeiru Ministru taur Matan Ruak atu ezoneira Sekretáriu Estadu Protesaun Ssivíl (SEPS), Alexandrino Xavier de Araújo, tanba la obedese ba partidu KHUNTO durante nia ukun apoiu fali partidu seluk nia programa.

Atual Segundu Vise Prezidente Parlamentu Nasionál, Luis Roberto, ba jornalista sira iha resintu Parlamentu Nasionál, Kinta (28/05).

“Karta hosi partidu Khunto nian to’o ona Primeiru Ministru, Taur Matan Ruak atu halo ezoneirasaun ba membru governu ne’ebe indizita hosi partidu KHUNTO rasik. Hau fiar katak karta ne’e iha ona Primeiru Ministru nia liman, ita hein desizaun tuir mai”, hateten deputadu Luis.

Nia hatutan, Primeiru Ministru labele mantein membru governu ne’ebe  indizita hosi Khunto, tamba ne’e desizaun hosi Partidu, e tenke sai tamba la obedese ba partidu.

“Se kuandu Primeiru Ministru mak mantein, ne’e kompetensia Primeiru Ministru nian, maibe partidu polítiku mos iha razaun balun tamba molok ba asume sekretáriu estadu ne’e indizita hosi partidu ne’e rasik. Komunikasaun Primeiru Ministru ho partidu mos iha, ne’ebe hau fiar katak sei foti desizaun”  tenik Nia

Deputadu ne’e sublina, “Razaun fundamental halo karta ezoneirasaun Sekretáriu Estadu Protesaun sivíl nee, primeiru mak la iha loialidade ba partidu, siknifika ita iha partidu ida ita hamutuk fali partidu seluk hodi politiza sasan, ne’e mak dehan katak la loialidade”.

“Karta ne’ebe haruka ba Primeiru Ministru ne’e desizaun mai hosi estrutura partidu nian hosi munisípiu 12 no RAEOA, hafoin halo evaluasaun hodi deside hasai membru governu sira ne’ebe indizita hosi partidu Khunto, maibe la obedese ba partidu nia desizaun tenke hasai hosi membru governu”. Dehan Nia. Uar

Leave a Reply

Your email address will not be published. Required fields are marked *