FEATUREDGeralIkus LiuNews

Estende EE Ba Datoluk, PR Lú Olo : “Atu Salva Povu TL Hosi COVID-19”

Fahe Tutan

Naunil Media (Díli), Prezidente Repúblika (PR), Francisco Guterres ‘Lú Olo’, deklara nia dekreta Estadu Emerjénsia (EE) ba datoluk atu salva povu Timor-Leste hosi Corona Virus Desease 2019 (COVID-19).

“La’os ho laram kmán, hau renova Estadu Emerjénsia ba dala ida-tan. Maibe presija foti duni medida ida ne’e atu evita Surtu COVID-19 tama mai Timor-Leste, to’o pontu ida ne’ebe ita bele lakon kontrolu no lakon ita nian riku sorin bo’ot liu mak ita nian ema”, hateten Xefe Estadu Timor-Leste, Lú Olo, bainhira deklara estensaun estadu emerjénsia iha Palasiu Prezidensiál, Bairro Pité, Kinta (28/05).

Aman Nasaun no Ema númeru Ida iha Repúblika Demokrátika Timor-Leste (RDTL) ne’e, hateten povu ninia vida mak hotu-hotu ninia hakarak, direitu ba vida tama mos iha lista hosi direitu konstituisaun RDTL nian.

“Salva povu ninia vida mak hau nian preoridade dahuluk núdar prezidente hotu-hotu nian no ba ema hotu. Tanba ne’e hau renova dala ida-tan estad emerjénsia”, informa Aman Nasaun núdar Simbolu Unidade Nasionál, Lú Olo.

Eis gerileiru no atual Xefe Estadu Timor-Leste, Francisco Guterres ‘Lú Olo’, husu mos ba líder partidu polítiku sira,orgainizasaun sosiedade eh ema hotu-hotu atu bele simu ho laran ksolok no hakmatek.

Tuir Aman Nasaun ne’e, katak ho deit deklarasaun estadu emerjénsia hosi PR ne’ebe bazeia ba artigu 25 K-RDTL mak bele suspende ou limite direitu sira, livredade no garantia sira ne’ebe konstituisaun fó sidadaun sira.

“Deklarasaun renova, EE nia objetivu mak atu hases hosi risku foun ne’e ka hetan moras corona virus, ne’ebe identifika ona núdar kauza ba moras COVID-19”. Dehan Xefe Estadu Timor-Leste, Francisco Guterres ‘Lú Olo’.

EE datoluk ne’e hahu ohin Kinta 28 fulan Maiu ne’e no sei remata iha loron 26 fulan Junñu tinan 2020. **/Media PR.    

Leave a Reply

Your email address will not be published. Required fields are marked *