Eis-Sekretáriu Rejional RAEOA-ZEESM, Arsénio Bano : “Oe-Cusse Tenke Ba Oin”
Naunil Media (Dili), Eis Sekretáriu Regional Rejiaun Administrativa Espesiál Oe-Cusse Ambeno no Zona Ekonómia Espesiál Merkadu Sosiál (RAEOA-ZEESM) Timor-Leste no no Eis-Titular, Arsénio Paixão Bano, hateten hanesan ema Oe-Cusse oan, hakarak ka lakohi Oe-Cusse tenke ba oin.
Eis Sekretáriu Regional Rejiaun Administrativa Espesiál Oe-Cusse Ambeno no Zona Ekonómia Espesiál Merkadu Sosiál (RAEOA-ZEESM) Timor-Leste no no Eis-Titular, Arsénio Paixão Bano, ba jornalista sira hafoin enkontru ho Primeiru Ministru Taur Matan Ruak, iha Palasiu Governu, Segunda (08/06).
“Hau simu orientasaun ho lista ne’ebé naruk tebes, maibe importante mak Oe-Cusse tenke ba oin. Hau hanesan Eis-Sekretáriu Rejional no Eis-Titular ne’ebe servisu tinan lima, hau mos ema Oe-Cusse, hau kuiñese Oe-Cusse diak”, haktuir Arsénio Bano.
Nia hateten, núdar sidadaun Timor oan ida, prontu hodi servi Nasaun Timor-Leste bainhira nasaun presija.
“Hanesan sidadaun Timor oan ida sempre prontu hodi servi nasaun bainhira nasaun presija. Soldadu prontu hodi servi ba povu Timor-Leste, hau hanesan eis-titular simu mos pensaun, se ho bahasa dehan ‘kalau negara perlu, yah siap jangan tolak, kerja baik-baik’ servisu ho diak”. Dehan Nia. Apm