Estudante Timor Oan Iha Indonézia Konsidera Governu TL Halo Diskriminasaun

Fahe Tutan

Naunil Media (Díli), Porta voz estudante Timor Oan iha Indonézia, Abilio da Costa Freitas, deklara estudante governu Timor-Leste halo diskriminasaun, tanba atribuisaun subsídiu ba estudante lahanesan.

“Ami estudante iha Repúblika Indonéziasente lamenta teb-tebes ho montante ne’ebé fó sai iha Jornál da Republika, iha loron 5 fulan Junho tinan 2020, katak kada estudante sei simu U$100.00 deit. Ami estudante hosi nasaun Indonézia lakonkorda no sente ita nian Governu rasik halo deskriminasaun bo’ot ida hasoru ami estudaqnte Timor Oan iha Nasaun viziñu ne’e”, deklara Porta voz,  Abilio da Costa Freitas, liuhosi komunikadu inprensa via email ne’ebe Nauni Media asesu, Segunda (08/06).

Ho preokupasaun refere, estudante Timor Oan sira iha Indonézia ejije, ida “Ami ejije ba governo atu tetu didiak montante osan ne’ebe aloka ba estudante sira iha rai liur, liu-liu iha Indonézia , tamba  nesesidade bázika  presiza  barak tebes  no  subsídiu  ne’ebé governo fó sai U$ 100.00 sei la rejolve, la garantia ba ami nia vida”.

Daruak, “ejije ba governu, Parlamentu Nasionál no Presidente RDTL nian atu fó netik liafuan esperansa ne’ebé bele garantia ami estudante sira nia vida”.  

Datoluk, “Ami ejije ba Governu atu bele evakua lalais estudante sira wanihira governu nafatin  manten aplika subsídiu U$100.00 deit”,

Porta voz ne’e afirma, governu no Estadu RDTL fó atensaun sériu ba situasaun estudante Timor Oan sira nian Indonézia

“Governo no estadu RDTL tenke hadia númeru aoiu subsídiu ba estudante sira iha rai-liur inklui Indonézia. Problema seluk mak hanesan visa, tratamentu saude karik afeta COVID-19”, tenik porta voz ne’e.

Porta voz ne’e ejije mos ba governu atu aseleira prosesu atendimentu ba asuntu estudante ninia subsídiu, tanba estudante balun oras ne’e daudaun laiha ona hahan no seluk tan.

“Ami ejije ba governu atu haree no tau matan ba estudante sira nia Kartaun Autorizasaun Permanensia Limitada (KITAS-Sigla Indonézia), tamba studante balun mak agora infrenta hela ba sira nia KITAS”, ejije estudante sira nian.

Porta voz estudantE Timor oan iha Indonézia ne’e salient, “Governu laiha solusaun ba preokupasaun ne’e maka estudante timor-oan iha Indonézia  prontu atu ba korta fronteira terestre hodi simu kilat musan ka kastigu”.

“Ami sente mate ka terus ne’ebe ami simu husi institusaun RDTL ne’ebé povu rasik hari di’ak-liu, duke terus mesak iha rai liur”, tenik Nia.

Ikus-liu, estudante sira Timor oan iha Indonézia, husu ba governu  tau  atensaun  sériu no  foti  medidas  urjente ba preokupasaun sira niann. */Vit 

Leave a Reply

Your email address will not be published.