Governu Deside Fó Subsídiu U$100 Ba Kada Uma Kain

Fahe Tutan

Naunil Media (Díli), Reuniaun Konsellu Ministru (KM) iha Censtro de Convencões de Díli (CCD), Kuarta (08/04) ne’e, governu konstitusionál da-ualu lideradu hosi Primeiru Ministru Taur Matan Ruak, deside atu fó subsídiu ba kada uma kain iha teritóriu nasionál sei hetan U$ 100  (dollar amerikanu atus ida) durante tempu Estadu Emerjénsia.

Proposta ba subsídiu kada uma kain hetan U$100 durante tempu Estadu Emerjénsia ne’e aprezenta hosi Ministru Kordenadór ba Asuntu Ekonómiku  ein ezersísiu, Fidelis Manuel Leite Magelhães no hetan ona aprovasaun hosi reuniaun Konsellu Ministru.

Konsellu Ministru foti asuntu ne’e hodi hatan ba implikasaun negativa ne’ebé provoka hosi surtu Corona Virus (COVID-19) iha ekonóia nasionál. Pakote ba medida ne’e fahe ba parte ualu, inklui medida relativa sira ba distribuisaun ba sasan esensiais sira, liña kréditu, isenção fiscal no subsídiu ba sidadaun sira.

Área da-neén kona-ba despeza públika hanesan antesipasaun ba pagamentu saláriu no benefísiu sosiál sira. Área da-hitu nian kona-bá, kriasaun liña kréditu ho taxa ne’ebé menus.

Área da-ualu nian, “Ba asistensia direita, mak hanesan apoiu diretu sira ba populasaun no empreza sira ho objetivu atu garante kada família hetan rendimentu dólares amerikanu 100 kada fulan, ho fornesimentu hosi partisipasaun salariál hamutuk ho empregadór sira atu fó subsidia ba trballadór nain 30.000 ho isenção ba pagamentu hosi kontribuisaun seguransa sosiál hosi traballadór sira no hosi empregadór sira no ho izensaun ba pagamentu ba emprezáriu sira ne’ebé aluga iha propriedade Estadu nian”. esplika iha nota komunikadu imprensa reuniaun Konsellu Ministrus nian mak Naunil Media asesu. Uar

Leave a Reply

Your email address will not be published.