Família Matebian ‘Henrique Maia Soares’ Rekuiñese Tuda Kanek Reitór UNPAZ

Fahe Tutan

Naunil Media (Dili), Listo de Jesus nu’udar família hosi matebian Henrique Maia Soares’, rekuiñese katak sira mak tuda Reitór Universidade da Paz (UNPAZ) Adolmando Amaral hodi rezulta kanek iha ulun.

“Baihira estrutura universidade fila husi matebian nia uma, ne’e la iha problema ida, maibé iha dosente ida mak nantan (fihir) fali ami. Ami sentimentu ladun diak mak ami halo asaun oituan, hodi tuda no ami labele nega”, Listo de Jesus nu’udar família hosi matebian Henrique Maia Soares’, ba jornalista sira iha Aldeia Faka, suku Manleu, Tersa (23/06).  

Reitór UNPAZ, Adolmando Amaral, haktuir akontesementu ne’e bainhira Reitór ho nia estrutura sira ba vizita isin mate ‘Hendrique Maia Soares’, mak hetan duta hosi família matebian hodi rezulta kanek iha ulun parte leten.

“Depois ami fila husi matebian nia uma, iha grupu balun ne’ebé maka tuda ami husi kotuk, fatuk ne’e mai barak. Ami halai no iha akontesementu ne’e hau mos hetan pankada iha ulun”, konta tuir Reitór UNPAZ, Adolmando Amaral.

Nia informa, kona-ba akobtesementu ne’e, parte Reitór informa ona ba eskuadra PNTL Ai-Mutin.

“Prosesu ne’e sei la’o hela no kazu ne’e ami la tau kulpa ba família matebian Henrique Maia Soares’, maibé prosesu hotu sei submete ba investigasaun”, tenik Nia.

Tuir planu isin mate Henrique Maia Soares’, sei haloot iha suku Gulolo, Munisipiu Ermera. Jjf

Leave a Reply

Your email address will not be published.