MEJD Adi’a Ezame Primeiru Trimestrál Ba Estudante Sira

Fahe Tutan

Naunil Media (Díli), Ministériu Edukasaun Juventude no Desportu (MEJD) sei hadi’a ezame primeiru trimester ne’ebe tuir kalendáriu eskolar monu iha fulan Abril ne’e, tanba ho situasaun estadu emerjénsia ba kombate surtu corona virus (COVID-19) iha Timor-Leste.

Lia hirak ne’e hato’o hosi  Ministra Edukasaun Juventude no Desportu (MEJD) Dulce de Jesus Soares, ba jornalista sira hafoin partisipa reuniaun Konsellu Ministrus iha Centro de Convenções de Díli (CCD), Kuarta (08/04).  

“Tuir kalendáriu eskolár prova ne’e, sei hala’o ezame primeiru periódu iha semana oin hahú iha loron 13 to’o 20 iha fulan marsu.  maibé, ha’u sei hatun despaixu atu muda kalendáriu primeiru periodu nian depende ba desizaun  estadu de emerjénsia  buka oinsa para COVID-19  prova, ne’e karik la iha  sei muda ba 20 to’o 25 iha  fulan Maiu  agora ami sei hein atu foti desizaun final”, tenik Ministra Edukasaun Dulce.

Nia husu ba inan-aman no estudante sira hotu atu lalika preokupa ho prova avaliasaun primeiru periodu, maibe oinsa mak nafatin kompri regras estadu emerjénsia hodi kombate surtu corona virus iha Timor-Leste.

“Ha’u rasik sei fó sai informasaun atualizadu, nune’e halo favór estudante sira tenke tuir programa  sira ne’ebé lansa ona iha televisaun, radio no presiza lee livru hosi portal sira halo servisu traballu sira ne’ebé estudante sira hetan”. Dehan Nia. Fet

Leave a Reply

Your email address will not be published.