Lere: La Promete, Maibé Eleitu PR Sei Esforsu Hadi’a Estrada Ho Aportil Atauro

Fahe Tutan

Naunil Média (Díli), Kampaña da-lima Kandidatu Prezidente da Repúblika ba periodu tinan 2022-2027, ho númeru sorteiu 8, Tenente Jenerál reformadu, Lere Anan Timur, informa,  La promote ba komunidade ba komunidade Atauro, Maibé sei esforsu hadi’a ho Estrada inklui Aportil (Ponte Kais).

“ Aportil ho estrada nunka di’ak to’o agora. Hau nu’udar Prezidente da Repúblika labele promote ba povu Atauro, Tanba ne’e la’os Prezidente Repúblika nia servisu,” Dehan Kandidatu Prezidente da Repúblika, Jenerál Lere Anan Timur, iha Munisípiu Atauro, Domingo, (06/03).

Kandidatu ho númeru sorteiu 8 ne’e haktuir, maibé nu’udar aman ba nasaun sei informa ba parte relevantes atu toma atensaun.

“ Nu’udar aman ba nasaun sei informa ba Ministeriu relevante ne’ebé atu toma atensaun, Tanba saida mak aportil ho estrada iha Atauru seida’uk di’ak osan mak laiha imi mak lakohi halo tenke esplika,” Haktuir Lere Anan Timur.

Lere la promote ba komunidade Atauro bainhira Eleitu Prezidente sei hadi’a buat hot-hotu, Tanba ne’e la’os Prezidente nia servisu.

“ Maibé esforsu halo kordenasaun ho parte ministeriu relevante sira, tanba bo’ot liu mak Prezidente Repúblika atu tau matan ba orgaun sira seluk atu halo funsaun ho di’ak,” Tenik nia.

Kana’ar Prezidente da Repúblika mós tenke kumpri Kontituisaun da Repúblika Demokratika de Timor-Leste (K-RDTL). Obriga Orgaun hot-hotu tenki kumpri,tanba K-RDTL mak ita nia klamar.

“ Hau la’os jurista no lei nain maibe hau komprede saida mak hakerek iha K-RDTL, Sei lori K-RDTL hatu’ur tradisaun ho kultura TL nia leten, K-RDTL tenke bazeia tanba povu ida,” Dehan Lere. Latu

Leave a Reply

Your email address will not be published.