Konfrontu Militantes husi FRETILIN-KHUNTO Resultadu Na’in 8 Kanek
Naunil Média (Baucau), Militante husi Partidu Kmanek Haburas Unidade Nasionál Timor Oan (KHUNTO) na’in 8 kanek, tanba tuda husi Partidu Frente Revolucionario Timor-Leste Independente FRETILIN, hafoin sira halo mini kamapña iha kota Lama Baucau.
Tuir vitima Avelito J. Filipe hatete kronolojia hafoin vitima sira mai husi Laga no Kelikai, oras besik tuku 2 liu minutu balun atu ba partisipa kampaña partidu KHUNTO nian,
maibé hafoin to’o iha rotunda besik Igreja Baucau kota Lama militante Partidu FRETILIN ne’ebé uza ho atributu faru FRETILIN hodi asalta vitima sira.
“Ema sira tuda ami ne’e barak mak hatais faru FRETELIN, sira tuda mai ha’u tur iha bus leten, ha’u la haree ida derepenti deit fatuk kona ha’u nia ulun ona”, dehan vitima Vitima Avelito J. Filipe ba jornalista sira Baucau,domingu,( 06/03).
Nia hatutan, Ami mai atu partisipa kampaña ida ne’e, tanba ami iha dalan la provoka derepenti de’it ema tuda ami iha bus laran, husi parte karuk nian sira tuda husi foho leten.
Ami mai kareta rua ida angunan husi laga, ida husi Kelikai,bus uluk hafoin angunan tuir, to’o iha dalan besik igreja Baucau nian sira tuda ona, dehan nia. Ana
