FMTL Konsidera EE-SS ‘Kurtina’ Asegura Poder De’it
Naunil Media (Díli), Relasiona rezolusaun husi governu implementasaun Estadu Emerjénsia (EE) ba Prevensaun Covid-19 iha Timor-Leste, Front Mahasiswa Timor-Leste (FMTL) konsidera sai hanesan ‘kurtina’ hodi asegura polítika na’in sira nian kadeira no poder de’it.
Tuir Portavoz FMTL), Efifania da Silva husu, governu tenki halo desijaun emidiata hodi hapara rezolusaun EE, serka sanitária konfinamentu obrigátoriu tanba povu Trabillador sai vítima.
“Ami husu atu normaliza fila fali, establidade ekonómia povu nian mak governu tenke sai desijaun emidiata hodi hapara rezolusaun estadu emerjensia no serka satitaria no konfinamentu obrigatoriu. Tanba Front Mahasiswa Timor Leste nia haree prejensa Covid-19 iha Timor-Leste sai de’it kurtina ba ema polítiku sira atu asegura poder polítiku to’o ikus halo povu no traballador sira sai vitima”, dehan portavoz FMTL, Efifania da Silva ba jornalista sira liuhusi Komunikadu impensa, iha UNTL Paspol, Kaikoli, sábado (01/05).
Portavoz FMTL ne’e haktuir, desde tinan 2017 to’o mai agora, situasaun inserteza polítika no prejensa pesti pandemia Covid19, halo povu Timor-Leste nia ekonomia monu no afeita ba rendimentu ekonómia loro-loron, to’o rejulta hamlaha iha fatinfatin. Liuliu povu ida ne’e terus tan kuandu impaktu dezastre iha munisipiu sira, udan rejulta inundasaun iha fatin fatin halo komunidade, labarik no ferik katuas ne’ebe lakon sira nia vida no hela fatin.
“FMTL hakarak alerta ba traballadór iha teritóriu Timor-Leste katak, hamutuk nafatin firme hodi ezizi nia direitu hanesan ema traballadores”, Efiania apela.
Nia afirma, tamba iha ita mak dezenvolvimentu no tamba iha ita mak iha loja no industria la’o ho diak iha estadu ida nia laran. Traballador sai fator determinante ba iha estabilidade ekonomia iha rai laran tamba iha traballador mak iha sirikulasaun ekonomia lao ho diak no ekonomia povu bele estavel nafatin iha merkadu ekonomiku, hodi asegura estadu atu labele sai estadu falladu tamba deit impaktu husi sirkulasaun produtu. no atendimentu ne’ebe mak laiha balansu iha merkadu. ipe
